धर्मेंद्र आणि हेमा मालिनी यांची लाडकी मुलगी ईशा देओलने तिच्या करिअरमध्ये फार कमी चित्रपट केले आहेत. तिच्या आईप्रमाणेच ती एक चांगली अभिनेत्री आणि उत्तम डान्सर देखील आहे.

ती 'युवा', 'दस', 'नो एंट्री' आणि 'धूम' सारख्या काही उत्कृष्ट चित्रपटांमध्ये दिसली आहे. दरम्यान, अभिनेत्रीने 'धूम' चित्रपटाच्या टायटल ट्रॅकमधील तिच्या बिकिनी सीनबद्दल काही गोष्टी शेअर केल्या आहेत.

एका वृत्तवाहिनीला दिलेल्या मुलाखतीत ईशा देओलने खुलासा केला की जेव्हा आदित्य चोप्राने तिला सांगितले की या अॅक्शन चित्रपटात तिला बिकिनी घालावी लागेल. त्यांची ही गोष्ट ऐकून ईशा थोडी आश्चर्यचकित आणि नाराज झाली होती.

या चित्रपटात तिला बिकिनी घालावी लागेल हे तिला आधी माहीत नव्हते. आदित्य चोप्रांसमोर तिने यासाठी लगेच होकार दिला नाही, मात्र त्यासाठी तिने एक दिवसाचा वेळ मागितला. आई (हेमा मालिनी) हिची परवानगी घ्यावी लागेल असे इशाने सांगितले.

ईशा देओलने या मुलाखतीत पुढे सांगितले की, चित्रपटात बिकिनी घालण्यासाठी आईची परवानगी घ्यायला ती खूप घाबरली होती. मात्र, तिने हेमा मालिनी यांच्याशी याबाबत बोलले असता ती म्हणाली, हो, तुला जे पाहिजे ते घाल.

"जेव्हा तू तुझ्या मित्रांसोबत सुट्टीवर किंवा बाहेर फिरायला जाते तेव्हा तू बिकिनी घालत, नाही का? मग चित्रपटात घातली तर काय झालं? फक्त सीन चांगले शूट केले जातील, याची खात्री करून घे." असे सांगत हेमा मालिनी यांनी इशाला पाठिंबा दिला.

विशेष म्हणजे, 'धूम' 2004 मध्ये थिएटरमध्ये प्रदर्शित झाला आणि या चित्रपटाने बॉक्स ऑफिसवर चमकदार कामगिरी केली. या चित्रपटात ईशा देओल मुख्य अभिनेत्रीच्या भूमिकेत दिसली होती, तर अभिषेक बच्चन, जॉन अब्राहम यांच्या महत्त्वपूर्ण भूमिका होत्या.

याशिवाय या चित्रपटात उदय चोप्राने सहाय्यक भूमिका केली असून ईशा देओलने शीनाची भूमिका साकारली आहे.