Esha Deol Video: अनेक लोकप्रिय ठरलेल्या चित्रपटांमध्ये मुख्य भूमिका साकारुन प्रकाशझोतात आलेली अभिनेत्री म्हणजे ईशा देओल तख्तानी .अभिनेता धर्मेंद् आणि हेमामालिनी  यांची लेक असलेल्या इशाने काही मोजक्या चित्रपटांमध्ये काम केलं.

मात्र, त्यानंतर तिचा कलाविश्वातील वावर कमी झाला. परंतु, सोशल मीडियाच्या माध्यमातून ती कायम नेटकऱ्यांच्या संपर्कात राहण्याचा प्रयत्न करत असते.

ब्रेकनंतर हळूहळू ईशा देओल पुन्हा कमबॅक करत आहे. ईशाचा एक व्हिडिओ व्हायरल होत आहे ज्यामध्ये तीचा घमेंडीपणा पाहून तिचं ट्रोलिंग केलं आहे.

हेही वाचा: भारतीय क्रिकेटची नवी आशा- पृथ्वी शाॅ

झालं असं की ईशा देओल एका फॅशन आउटलेटच्या उद्घाटनाला गेली होती. जेव्हा तिला तिच्यासोबत फोटो क्लिक करू इच्छिणारे काही तृतीयपंथी भेटले. त्यापैकी एक तिला आशीर्वाद देण्यासाठी पुढे गेली अन् ईशा देओल अस्वस्थ असल्याचे दिसून आले.

इतकेच नव्हे तर ती कारमधून देखील उतरली नाही. तिच्या चाहत्यांशी हस्तांदोलन करण्याची तिची इच्छा दिसत नव्हती. तिनं लगेच कारची काच वर करून घेतली आणि तडक निघून गेली. अभिनेत्रीच्या या अॅटिट्युडमुळे नेटकरी मात्र तिच्यावर भलतेच नाराज झाले आहेत.

एका नेटकऱ्यानं लिहिले, “अ‍ॅटिट्यूड किती हिला.” दुसर्‍याने लिहिले, “कार मधून तर उतरली नाही आणि चाहत्यांना शेकहॅंडही केलं नाही.” दुसरा म्हणाला, "हात मिळवला असता तर छोटी झाली असती का" इतरांनी लिहिले, “ती इतकी अस्वस्थ आणि घाबरलेली दिसते की जणू ते तिला खाऊन टाकतील गंभीरपणे हे करणे खूप वाईट आहे " कोणता माज हिला आहे"

वर्क फ्रंटवर, अजय देवगण सोबत 'रुद्र: द एज ऑफ डार्कनेस' मध्ये शेवटची दिसलेली, अभिनेत्री अमित साध, तिग्मांशू धुलिया आणि मिलिंद गुणाजी यांच्यासह अनटायटल प्रोजेक्टमध्ये स्क्रीन शेअर करताना दिसणार आहे.