'ये जवानी है दिवानी' yeh jawaani hai deewani या चित्रपटात 'लारा'ची भूमिका साकारणारी अभिनेत्री एवलिन शर्मा Evelyn Sharma नुकतीच लग्नबंधनात अडकली आहे. एवलिनने डॉक्टर तुशान भिंडी Dr Tushaan Bhindi याच्याशी ऑस्ट्रेलियातील ब्रिस्बेन इथं लग्न केलं. १५ मे रोजी तिचा विवाहसोहळा पार पडला असून सोशल मीडियावर तिने नुकतेच लग्नाचे फोटो पोस्ट केले आहेत. लग्नापूर्वी एवलिन आणि तुशान हे एकमेकांचे खूप चांगले मित्र होते. हळूहळू या मैत्रीचं रुपांतर प्रेमात झालं. २०१९ मध्ये या दोघांनी साखरपुडा केला होता. (Evelyn Sharma weds beau Dr Tushaan Bhindi in Brisbane)

लग्नाविषयी एवलिन म्हणाली, "तुमच्या सर्वांत खास मित्राशी लग्न करण्यापेक्षा चांगली गोष्टी आणखी कोणती असूच शकत नाही. एकमेकांसोबत संपूर्ण आयुष्य व्यतित करण्यासाठी आम्ही दोघं खूप उत्सुक आहोत." तुशान हा ऑस्ट्रेलियातच राहणारा असून तिथे तो डेंटल सर्जन म्हणून काम करतो. सिडनी हार्बर ब्रीज या रोमँटिक ठिकाणी तुशानने एवलिनला लग्नासाठी प्रपोज केलं होतं. त्यावेळी एवलिनने त्याच्यासोबतचा रोमँटिक फोटो सोशल मीडियावर पोस्ट केला होता.

कोरोना महामारीमुळे एवलिन आणि तुशानने मोजक्या कुटुंबीयांच्या उपस्थितीत लग्नसोहळा उरकला. मात्र परिस्थिती ठीक होताच मित्रपरिवारासाठी रिसेप्शनचं आयोजन करणार असल्याचं त्यांनी सांगितलं. एवलिनने 'मै तेरा हिरो', 'जब हॅरी मेट सेजल', 'साहो' यांसारख्या चित्रपटांमध्येही भूमिका साकारल्या आहेत.