नाना पाटेकर हे गेल्या काही दिवसांपासुन चांगलेच चर्चेत आले. नाना पाटेकर वाराणसीमध्ये शुटींग करताना त्यांनी सेल्फी घ्यायला आलेल्या एका मुलाच्या डोक्यावर जोरात मारलं होतं.

नानांचा हा व्हिडीओ सोशल मीडियावर चांगलाच व्हायरल झाला. त्यानंतर विविध स्तरांंमधून नानांना नाराजी पत्करावी लागली. झालेल्या प्रकाराबद्दल नानांनी स्वतः माफी मागितली.

पण आता या प्रकरणाला एक वेगळंच वळण मिळालंय. माजी IAS अधिकारी अभिषेक सिंगने नानांना धमकी दिली आहे. काय घडलंय? वाचा सविस्तर

(Ex-IAS officer abhishek singh threatens Nana Patekar)

माजी IAS अधिकाऱ्याने दिली नानांना धमकी

अभिषेक सिंह म्हणाला, "उत्तर प्रदेशातील लोकांना एखाद्या गोष्टीवर प्रतिक्रिया कशी द्यायची ते चांगलेच माहीत आहे. आम्ही सर्व बाजूंनी परिपूर्ण आहोत. आम्ही पाहुण्यांचे स्वागत आणि त्यांचा आदर सर्वोत्तम प्रकारे करतो. पण आम्ही मारहाण देखील चांगली करु शकतो.

त्यामुळे पुढच्या वेळी तुम्ही युपीमध्ये याल तेव्हा तुमच्याशी चांगला व्यवहार होणार नाही याची आम्ही विशेष काळजी घेऊ."

नाना पाटेकर यांनी जेव्हा त्या तरुणाला मारलं होतं त्यानंतर काही दिवसांनी एका पत्रकार परिषदेत माजी आयएस अभिषेकने हा प्रकार चुकीचा असल्याचे म्हटले होते. तो म्हणाला होता, 'पीडित तरुणाने आमच्याशी संपर्क साधल्यास कारवाई करू. पीडित तरुणाने स्थानिक पोलीस ठाण्यात तक्रार नोंदवावी."

IAS अभिषेकने दिलेल्या धमकीवर नाना कसं प्रत्युत्तर देणार याची सगळीकडे चर्चा आहे.

नाना पाटेकर यांनी काही दिवसांपुर्वी व्हिडीओच्या माध्यमातुन झाल्या प्रकाराबद्दल माफी मागितली होती. नाना म्हणाले, "मला माहित नव्हते की तो कोण होता? मला वाटले की तो आमच्या क्रूपैकी एक आहे, म्हणून ठरलेल्या रिहर्सलनुसार मी त्याला मारलं आणि त्याला निघून जाण्यास सांगितले.

मी कधीही कोणाला फोटो काढण्यास नकार दिला नाही. मी असे कधीच केले नसते...जे काही झाले ते चुकून झाले. काही गैरसमजांमुळे हे घडले. मला क्षमा करा. मी पुन्हा असं कधीच करणार नाही."