fakt marathi sanman : 'फक्त मराठी' वाहिनी तर्फे दिला जाणारा 'फक्त मराठी सन्मान' हा पुरस्कार सोहळा नुकताच पार पडला. यावेळी 'धमर्वीर' आणि 'चंद्रमुखी' या चित्रपटांनी सर्वाधिक पुरस्कार मिळवत बाजी मारली. यावेळी दोन्ही चित्रपटांना भरगोस पारितोषिकांनी सन्मानित करण्यात आले. या वाहिनीतर्फे आयोजित करण्यात आलेला हा पहिलाच सन्मान सोहळा होता. त्यामुळे कलाकारांनी मोठ्या प्रमाणात हजेरी लावली होती.

(fakt marathi sanman winner dharmveer and chandramukhi movie)

शिवसेना नेते धर्मवीर आनंद दिघे यांचा जीवनपट असलेला "धर्मवीर" मुक्काम पोस्ट ठाणे हा चित्रपट 13 मे रोजी रिलीज झाला होता. तर विश्वास पाटील यांच्या कादंबरीवर आधारित 'चंद्रमुखी' हा चित्रपट 29 एप्रिल रोजी रिलीज झाला होता. या दोन्ही चित्रपटांना प्रेक्षकांनी अक्षरशः डोक्यावर घेतले. दोन्ही चित्रपटांनी बॉक्स ऑफिसवरही चांगलीच कमाई केली. आता पुरस्कारांवरही या चित्रपटांचे नाव कोरले जात आहे.

"फक्त मराठी सिने सन्मान २०२२" च्या पुरस्कार सोहळ्यात या 'धर्मवीर' (dharmveer movie)आणि ''चंद्रमुखी'' (chandramukhi marathi movie) चित्रपटाने प्रत्येकी सात-सात पुरस्कार पटकावले आहेत. 'धर्मवीर' चित्रपटाला सर्वात्कृष्ट चित्रपट, सर्वोत्कृष्ट दिग्दर्शन आणि सर्वोत्कृष्ट लेखन प्रविण विठ्ठल तरडे, सर्वोत्कृष्ट अभिनेता प्रसाद ओक, सर्वोत्कृष्ट गीतलेखन मंगेश कांगणे, सर्वोत्कृष्ट गायक आदर्श शिंदे, सर्वोत्कृष्ट रंगभूषा विद्याधर भट्टे असे पुरस्कार मिळाले.

तर चंद्रमुखी चित्रपटालाही सर्वोत्कुष्ट अभिनेत्री अमृता खानविलकर, सर्वोत्कृष्ट सहाय्यक व्यक्तिरेखा मृण्मयी देशपांडे, सर्वोत्कृष्ट गायिका आर्या आंबेकर, सर्वोत्कृष्ट कसिनेमॅटोग्राफी संजय मेमाणे आणि आणि सर्वोत्कृष्ट खलनायक राजू शिसाटकर,सर्वोत्कृष्ट कथा विश्वास पाटील आणि विशेष पुरस्कार अजय -अतुल असे सात पुरस्कार प्राप्त झाले आहेत.