Tabbu Birthday Photo: तब्बू,शिल्पा शेट्टी आणि फराह खान यांनी पजामा पार्टीचं आयोजन केलं होतं आणि या पार्टीत तब्बूचा बर्थ डे देखील साजरा करण्यात आला. शिल्पा शेट्टी आणि फराह खानने या सेलिब्रेशनचे फोटो सोशल मीडियावर शेअर केले आहेत. या पार्टीत त्यांनी कशी धम्माल केली यासंदर्भात आपल्या चाहत्यांना फोटोच्या माध्यमातून झलक दाखवली आहे. (Farah Khan,Shilpa Shetty held a pyjama party to celebrate tabu birthday)

तब्बूने ४ नोव्हेंबरला आपला ५२ वा वाढदिवस साजरा केला. तिनं आपल्या बेस्ट फ्रेंड्स फराह खान आणि शिल्पा शेट्टी सोबत हा खास दिवस साजरा केला,ज्याचे फोटो आता समोर आले आहेत. तब्बूच्या या बर्थ डे पार्टीला स्पेशल बनवण्यासाठी शिल्पा आणि फराहने या पार्टीला पजामा पार्टीत बदलून टाकलं. याचे फोटोदेखील शेअर करण्यात आले आहेत.

फराह खानने इन्स्टाग्रामवर पार्टीचे फोटो शेअर करत सांगितलं की शिल्पाने तब्बूचा बर्थ डे आपलं हॉटेल बॅस्टियनमध्ये प्लॅन केला होता,पण शेवटी फराहच्याच घरी पजामा पार्टीचं आयोजन करत तब्बूच्या वाढदिवसाला खास पद्धतीनं सेलिब्रेट करण्यात आलं. या सेलिब्रेशन निमित्तानं तिघींनी नाइट वेअर परिधान केला होता. जिथे केकही कापण्यात आला आणि चविष्ट डिनरचेही आयोजन केले होते. फराह खानने पजामा पार्टीतला आपला फोटो शेअर करत लिहिलं आहे की,'' तब्बूचा वाढदिवस फॉर्मल ड्रेसध्ये सेलिब्रेट केला, शिल्पा बॅस्टियनचा प्लॅन आखण्यासाठी आणि मग माझ्याघरी सेलिब्रेशन प्लॅन बनवण्यासाठी आभारी आहे''.

शिल्पाने देखील फराहच्या या पोस्टवर प्रतिक्रिया दिली आहे. आणि म्हटलं आहे की,''फराह,तब्बू आणि बॅस्टियन...वचन पाळलं जाईल कारण पुढची पार्टी तुझीच आहे फराह,हॅप्पी बर्थ डे टिम्पू ..''

शिल्पाने आपल्या इन्स्टाग्राम स्टोरीमध्ये खूप सारे पजामा पार्टीतले फोटो शेअर केले आहेत. या पोस्टमध्ये जेवणाच्या टेबलाची चविष्ट झलक दाखवताना,केक कापतानाचे आणि नाइट ड्रेसमध्ये मस्ती करतानाचे फोटो देखील शेअर करण्यात आले आहेत.