Fashion designer Rohit Bal: मनोरंजन विश्वातील सुप्रसिद्ध फॅशन डिझायनर रोहित बलची प्रकृती खुपच चिंताजनक आहे. 62 वर्षीय रोहितला हृदयविकारामुळे गुरुग्राममधील मेदांता हॉस्पिटलमध्ये दाखल करण्यात आले आहे. तो सध्या व्हेंटिलेटरवर मृत्यूशी झुंज देत आहे. गेल्या तीन दिवसांपासून तो रुग्णालयात आहेत.

रोहितला 2010 मध्ये हृदयविकाराचा झटका आला होता. त्याला दारूचे व्यसन होते. इतर आरोग्यविषयक कारणांमुळे त्याला व्यसन मूक्ती केंद्रात दाखल करण्यात आले होते. गेल्या वर्षी नोव्हेंबरमध्येही रोहितची प्रकृती खूपच खालावली होती. त्यावेळीही त्याला मेदांता रुग्णालयात दाखल करण्यात आले होते

कोण आहे रोहित बल?

बॉलीवूड इंडस्ट्रीतील प्रसिद्ध डिझायनर्सच्या यादीत रोहितचा समावेश आहे. आजही रोहित बल आपल्या पूर्वजांच्या फॅशनला आदर्श मानून आपले कपडे डिझाइन करतो. मुघल फॅशन पुढे नेणारा रोहित हा एकमेव प्रसिद्ध डिझायनर आहे.

फॅशन इंडस्ट्रीपासून ते बॉलिवूडपर्यंत त्याचे मोठे नाव आहे. मुंबई, दिल्ली, कोलकाता, बेंगळुरू, अहमदाबाद आणि चेन्नईसह अनेक ठिकाणी त्याची दुकाने आहेत.

रोहितने अमिताभ बच्चन, काजोल, ईशा गुप्ता, कंगना राणौत, पूजा हेगडे यांच्यासह अनेक सेलिब्रिटींसाठी कपडे डिझाइन केले आहेत.