Gashmeer Mahajani: मराठी चित्रपटसृष्टीतील प्रसिद्ध अभिनेता गश्मीर महाजनी (Gashmeer Mahajani) हा त्याच्या अभिनयानं नेहमीच प्रेक्षकांची मनं जिंकतो. गश्मीर हा विविध चित्रपटांमधून प्रेक्षकांच्या भेटीला येतो. त्याचा चाहता वर्ग देखील मोठा आहे. गश्मीर हा सोशल मीडियावर सक्रिय असतो. विविध पोस्ट तो सोशल मीडियावर शेअर करतो तसेच चाहत्यांच्या कमेंट्सला आणि पोस्टला देखील गश्मीर रिप्लाय देतो. अशताच आता गश्मीरनं एका चाहत्याच्या ट्वीटला रिप्लाय दिला आहे.

चाहत्याचं ट्वीट

एका चाहत्यानं गश्मीरचे काही फोटो सोशल मीडियावर शेअर केले. या फोटोला त्या चाहत्यानं कॅप्शन दिलं, "मराठी सिनेअभिनेते सुपरस्टार गश्मीर महाजनी" चाहत्याच्या या ट्वीटला गश्मीरनं रिप्लाय दिला आहे.

गश्मीर म्हणाला, "प्लिज सुपरस्टार मला म्हणू नका…"

चाहत्यानं शेअर केलेल्या ट्वीटला गश्मीरनं रिप्लाय दिला, "प्लिज सुपरस्टार मला म्हणू नका… अजून सुपरस्टार व्हायला वेळ आहे. आता मराठीत कुणीच सुपरस्टार नाही. पण एक दिवस होणार नक्की.. सुपरस्टार तो असतो जो रस्त्यावरून चालला की सर्वलोक कपडे फाडतात… नक्की होणार … माझं वचन आहे. पण आत्ता इतकं सहज कुणाला सुपरस्टार म्हणू नका" गश्मीरच्या या रिप्लायनं अनेकांचे लक्ष वेधले आहे.

गश्मीरचे चित्रपट

देऊळ बंद, कान्हा,सरसेनापती हंबीरराव या चित्रपटात गश्मीरनं काम केलं आहे. मराठी सिनेसृष्टीसोबतच हिंदी मनोरंजन सृष्टीत देखील गश्मीरनं विशेष ओळख निर्माण केली आहे. इमली,तेरे इश्क़ में घायल या हिंदी मालिकांमध्ये देखील गश्मीरनं काम केलं आहे. आता गश्मीरच्या आगामी चित्रपटांची प्रेक्षक उत्सुकतेने वाट बघत आहेत.