शाहरुख खानच्या 'पठाण'ने बॉक्स ऑफिसवर धमाका केला आहे. 25 जानेवारीपासून किंग खानचा चित्रपट कमाईच्या बाबतीत सातत्याने रेकॉर्ड तोडत आहे. यादरम्यान कार्तिक आर्यनपासून अक्षय कुमारपर्यंत अनेक बड्या स्टार्सचे चित्रपट आले, पण पठाणच्या झंझावातात सगळे उखडले. आता शाहरुख खानची पत्नी गौरी खानने इन्स्टाग्रामवर 'पठाण'च्या कमाईबाबत एक पोस्ट शेअर केली आहे.

गौरी खानने तिच्या पतीच्या यशावर एक पोस्ट शेअर केली आहे, जी व्हायरल होत आहे. गौरीने इन्स्टाग्रामवर पठाणच्या कलेक्शनबद्दल लिहिले आहे.

गौरीने चित्रपटाच्या 1026 कोटींच्या जगभरातील कलेक्शनसह पोस्टर शेअर केले आहे आणि कॅप्शन लिहिले आहे- 'रेकॉर्ड ब्रेकिंग स्ट्रीक...#पठान.' गौरी खानच्या या पोस्टवर चाहते प्रेमाचा वर्षाव करत आहेत.

शाहरुख खाननेतब्बल 4 वर्षांनंतर पठाणसोबत दमदार कमबॅक केले आहे. 'पठाण' एकामागून एक नवनवे रेकॉर्ड बनवत आहे. चित्रपटाच्या कमाईबद्दल बोलायचे झाले तर, भारतात आतापर्यंत 528.89 कोटींची कमाई झाली आहे.

वर्ल्डवाइड चित्रपटाच्या कलेक्शनने 1026 कोटींचा आकडा पार केला आहे. पठाण हा एकाच रिलीजमध्ये सर्वाधिक कमाई करणारा बॉलिवूड चित्रपट ठरला आहे.