Gippy Grewal Reacts After Lawrence Bishnoi Attack:

पंजाबी स्टार गिप्पी ग्रेवाल हा गेल्या काही दिवसापासून खुपच चर्चेत आहे. काही दिवसांपुर्वी त्याच्या कॅनडातील घरावर गोळीबार झाला होता. गँगस्टर लॉरेन्स बिश्नोईने हा हल्ला केल्याचा दावा केला होता. तशी पोस्ट देखील त्याने सोशल मिडियावर शेयर केली होती.

बिश्नोईने स्पष्टपणे सांगितले होते की, सलमान खानमुळे गिप्पी ग्रेवालच्या घरावर हा हल्ला करण्यात आला आहे. गिप्पीने सलमानला भाई म्हटले होते आणि त्याने सलमानच्या बिग बॉस या शोमध्ये आपल्या अल्बमचे प्रमोशनही केले होते.

गिप्पी आणि सलमानच्या मैत्रीमुळे त्याच्यावर हा हल्ला केला असं बोललं जात होतं. आता याप्रकरणी गिप्पी ग्रेवालची प्रतिक्रिया समोर आली आहे.

गिप्पी या हल्ल्याने घाबरला असल्याच्या चर्चा आहेत. त्यामुळेच आता त्याने सलमानसोबतची मैत्री नाकारली आहे. या संपूर्ण प्रकरणावर गिप्पी ग्रेवालने मौन सोडलं आहे.

काय म्हणाला गिप्पी?

हिंदुस्तान टाईम्सच्या वृत्तानुसार, एका पोर्टलशी संवाद साधताना गिप्पी ग्रेवालने गँगस्टर लॉरेन्स बिश्नोईला उत्तर दिलं आहे.

यावेळी गिप्पी म्हणाला की, "माझी सलमान खानशी मैत्री नाही. माझ्या 'मौजा ही मौजा' या चित्रपटाच्या ट्रेलर लाँचला तो आला होता कारण मी त्याला गेस्ट म्हणून बोलावलं होतं. याशिवाय आम्ही आता बिग बॉसच्या सेटवर भेटलो होतो. माझ्यासोबत जे काही घडले त्यावर माझा विश्वास बसत नाही"

लॉरेन्स गँगने दिली होती धमकी

लॉरेन्स गँगची एक फेसबुक पोस्ट व्हायरल झाली होती ज्यामध्ये असे लिहिले आहे की, सत् श्री अकाल राम राम सबनू, आज लॉरेन्स बिश्नोई गँगने व्हँकुव्हरच्या व्हाईट रॉक भागात गिप्पी ग्रेवालच्या बंगल्यावर गोळीबार केला आहे.

सलमान खानला तू खुप भाऊ- भाऊ म्हणत होतास आता तुझ्या भावाला तुला वाचवायला सांग. आणि तुझ्या भावाला सांग की, दाऊद तुला मदत करेल असा त्याचा भ्रम आहे, पण तुम्हाला आमच्यापासून कोणी वाचवू शकणार नाही.