Accident Or Conspiracy GODHRA Teaser : गुजरातमध्ये २००२ रोजी झालेल्या त्या गोध्रा प्रकरणानं साऱ्या देशाचे लक्ष वेधून घेतले होते. त्याचे पडसाद देशातील अनेक ठिकाणी उमटल्याचे सांगण्यात येते. या घटनेवर आधारित अनेक चित्रपट बॉलीवूडमध्ये आले आहेत. त्यात परझानिया, फिराक यांच्या नावांचा उल्लेख करावा लागेल.

22 वर्षांनी पुन्हा एकदा त्या घटनेवर एक वेगळी कलाकृती समोर आली असून त्याचे नाव Accident Or Conspiracy GODHRA Teaser असे आहे. या चित्रपटाच्या टीझरनं नेटकऱ्यांना प्रतिक्रिया देण्यास भाग पाडले आहे.

अनेकांना ते २००२ चे वर्ष माहिती असेल. शिवाक्ष दिग्दर्शित (directed by M K Shivaaksh) हा चित्रपट १ मार्च २०२४ मध्ये प्रदर्शित होणार आहे. त्यात रणबीर शौरी, पंकज जोशी यांच्यासारखे अभिनेते दिसणार आहेत. गेल्या काही दिवसांपासुन या चित्रपटाची जोरदार चर्चा होती. अखेर त्याचा टीझर प्रेक्षकांच्या समोर आला आहे. त्यातून वेगवेगळ्या गोष्टींवर भाष्य करण्यात आले आहे.

या चित्रपटामध्ये प्रसिद्ध अभिनेता रणवीर शौरीनं (Ranveer Shourey) एका वकीलाची भूमिका साकारली आहे. जो गोध्रा हत्याकांडातील पीडितांच्या बाजूनं लढताना दिसतो आहे. एम के शिवाक्ष यांनी या चित्रपटाचे दिग्दर्शन केले असून हा चित्रपट २००२ मधील फेब्रुवारीच्या २७ तारखेला झालेल्या घटनेकडे बोट ठेवतो. त्यावेळी गोध्रा वरुन अहमदाबादला जाणाऱ्या साबरमती एक्सप्रेसला आग लागली. आणि त्यात ५९ जणांचा मृत्यू झाला. या घटनेला गुजरात मधील गदारोळ असेही म्हटले जाते.

खरं तर गोध्रा (Accident Or Conspiracy GODHRA Teaser) नावाच्या चित्रपटाचा टीझर हा खरं तर फार पूर्वीच प्रदर्शित होणार होता. मात्र द केरळ स्टोरीमुळे त्याच्या टीझरचे प्रदर्शन लांबले गेले. आता व्हायरल झालेल्या टीझरनं चाहत्यांचे लक्ष वेधून घेतले आहे. चाहत्यांनी त्याच्यावर कौतुकाचा वर्षाव केला आहे. एका युझर्सनं तो टीझर पाहून म्हटले आहे की, खऱ्या घटनांवर आधारित चित्रपट हे नेहमीच तयार व्हायला हवेत. दुसऱ्यानं म्हटले आहे की, या दंग्यांना संबंधित घटनेचे नाव देऊन त्याचे स्वरुपच बदलण्यात आले.

तिसऱ्यानं म्हटले आहे की, लोकांना सगळ्या गोष्टी माहिती व्हायला व्हव्यात. अशा प्रकारचे चित्रपट प्रदर्शित झाल्यानंतर त्यातून अनेक सत्य समोर येतील. अशा प्रकारच्या प्रतिक्रिया गोध्राचा टीझर व्हायरल झाल्यानंतर पुढे आल्या आहेत.