Shubha Punja News: कर्नाटकमधील लोकप्रिय अभिनेत्री शुभा पुंजासोबत धक्कादायक घटना घडल्याचं समोर आलंय.

कर्नाटकातील चिक्कमगलुरु जिल्ह्यात शनिवारी एका चित्रपटाच्या शूटिंग सेटवर घुसलेल्या काही गुंडांनी शुभा सोबत गैरवर्तन केल्याची माहिती समोर येत आहे.

(Goons molested Shubha Punja kannada actress while shooting)

न्युज कर्नाटकाने दिलेल्या माहितीनुसार, प्रसिद्ध अभिनेत्री शुभा पुंजा कन्नड चित्रपट ‘कोरगज्जा’ साठी गाण्याचं शुटिंग करत होती.

या गाण्याचं शुटिंग सुरु असताना बाईकवरून काही गुंड धारदार शस्त्रे घेऊन शूटिंग परिसरात घुसले. त्यांनी शुभाशी गैरवर्तन केले, तिचा हात धरला आणि तिला ओढण्याचाही प्रयत्न केला. या घटनेनंतर शूटिंग थांबवण्यात आले. (Latest Entertainment News)

ही घटना कुदुरेमुख पोलीस ठाण्याच्या हद्दीत घडली, परंतु चित्रपटाच्या क्रूने अद्याप या संदर्भात कोणतीही तक्रार दाखल करण्यात आली नाही.

चित्रपटाचे दिग्दर्शक सुधीर अट्टावरा यांनी प्रसारमाध्यमांना सांगितले की, "लाखो रुपये खर्च करून सेट बांधण्यापूर्वी त्यांनी संबंधित अधिकाऱ्यांची आवश्यक परवानगी घेतली होती. या टीमने बॉलिवूडमधील प्रसिद्ध कोरिओग्राफर गणेश आचार्य यांचीही नियुक्ती केली होती. आमचे लाखो रुपये पणाला लागले आहेत"

दरम्यान "या घटनेबाबत तक्रार आल्यास कारवाई करू", असं पोलिसांनी सांगितलं आहे.