Tori Kelly Health Update: काही दिवसांपूर्वी हॉलिवूडची प्रसिद्ध गायिका टोरी केली हिला रुग्णालयात दाखल करण्यात आले होते. तिला अचानक काय झाले की त्यामुळे तिला रुग्णालयात दाखल करण्यात आले असे अनेक प्रश्न तिच्या चाहत्यांना पडले होते.

आता टोरीनं तिची तब्येत अचनाक का खराब झाली आणि आता ती कशी आहे याबाबात हेल्थ अपडेट दिली आहे. तिच्या चाहत्यांना या बाबत सांगतांना टोरीनं एक पोस्ट सोशल मिडियावर शेयर केली होती.

तिच्या चाहत्यांना तिची होत असलेली चिंता पाहत टोरीने तिच्या आजारपणात चाहत्यांसाठी सोशल मीडियावर एक नोट शेअर केली आहे. या नोटमध्ये तिने सांगितले की ती आता डॉक्टर आणि नर्स यांच्या देखरेखीखाली उपचार घेत आहे आणि आता तिला पुर्वीपेक्षा बरं वाटतं आहे.

(Grammy-Winning American singer Tori Kelly)

ग्रॅमी विजेती अमेरिकन सिंगर टोरी ही 25 जुलैच्या रात्री जेवतांना अचानक खुर्चीवरून जमीनीवर पडली. अचानक तिची तब्येत बिघडली होती. त्यांनतर तिला रुग्णालयात दाखलं केलं. तपासणीनंतर टोरीच्या शरिराच्या अनेक अवयवांभोवती रक्ताच्या गाठी झाल्याचं समोर आलं आहे. ती आता यावर उपचार घेत आहे.

सिंगरनं चाहत्यांना सागितलं की, या आठवड्यात तिचे काही प्लॅन होते. तिचे एक गाणे देखील प्रसिद्ध होणार होते. ते गाणंही येणार आहे. माझ्या या वाईट काळात माझी मदत करणाऱ्या आणि माझ्यासोबत असलेल्या लोकांचे आभार तुम्ही केलेल्या प्रार्थनेमुळेच मी लवकर बरी झाली. आता मी माझं गाणं रिलिज करत आहे. मी तुम्हाला दिलेलं वचन पुर्ण करत आहे.

टोरीच्या वैयक्तिक आयुष्याबद्दल बोलायचं झालं तर तिने 2018 साली जर्मनीतील व्यावसायिक बास्केटबॉल खेळाडू आंद्रे मुरिलोशी लग्न केलं. दोघंही टॉप अन् पावर कपल म्हणुन ओळखले जातात. दोघांची फॅन फॉलोविंगही तगडी आहे.