मुंबई- गली बॉय सिनेमात रणवीर सिंहच्या कामाचे जेवढं कौतुक झालं तेवढंच सहकलाकार सिद्धांत चतुर्वेदीचंही झालं. सिद्धांतच्या चाहत्यांची संख्या देखील मोठ्या प्रमाणावर आहे. सिद्धांत सोशल मिडियावरही चांगलाच ऍक्टीव्ह असतो. गली बॉयमधील त्याच्या भूमिकेने तरुणी तर त्याच्या प्रेमात पडल्या आहेत. नुकतंच सिद्धांतचं धूप हे गाणं प्रदर्शित झालंय. हे गाणं सिद्धांतने स्वतः गायलंय आणि या गाण्याचे बोल देखील त्यानेच लिहिले आहेत. या गाण्याला सिद्धांतच्या चाहत्यांचा चांगला प्रतिसाद मिळत आहे.

हे ही वाचा: शाहरुख खान ऑक्टोबरपासून सुरु करणार 'या' सिनेमाचं शूटींग

सोशल मिडियावर सिद्धांतचा एक लेटेस्ट डान्स व्हिडिओ समोर आला आहे. या व्हिडिओमध्ये तो ईड शिरीनच्या गाण्यावर बीचवर डान्स करताना दिसतोय. सिद्धांतने त्याचा हा व्हिडिओ इंस्टाग्राम अकाऊंटवर शेअर केला आहे. सिद्धांतने हा डान्स व्हिडिओ शेअर केल्यानंतर पुन्हा एकदा व्हिडिओ पोस्ट केला आणि सांगितली की आधी शेअर केलेल्या व्हिडिओमध्ये काहीतरी गडबड होती. या व्हिडिओमध्ये सिद्धांत बीचवर ईड शिरीनचं गाणं ऑटम लीव्स वर डान्स करतोय.

सिद्धांतने हा व्हिडिओ शेअर करत कॅप्शनमध्ये लिहिलंय, तुम्ही मैलो दूर आहोत. आणि काल तुम्ही माझ्यासोबत इथेच होतात. हा व्हिडिओ पुन्हा एकदा अपलोड केला कारण आधीच्या व्हिडिओमध्ये काहीतरी गडबड झाली होती. सिद्धांतचा हा व्हिडिओ आत्तापर्यंत लाखो लोकांनी पाहिला आहे. चाहत्यांनी या व्हिडिओवर कमेंट करुन त्याच्या डान्सचं कौतुक केलं आहे. 

सिद्धांत चतुर्वैदी जोया अख्तर दिग्दर्शित गली बॉय या सिनेमात झळकला होता. त्याच्या अभिनयाचं प्रेक्षकांकडून कौतुक झालं होतं. या सिनेमात सिद्धांत रॅपर एमसी शेरच्या भूमिकेत दिसून आला होता. सिद्धांत लवकरंच यशराज फिल्म्सच्या बंटी ऑर बबली २ या सिनेमात झळकणार आहे तसंच करण जोहरा आगामी नाव जाहीर न झालेल्या सिनेमातही त्याची वर्णी लागली आहे.   

gully boy actor siddhant chaturvedi dances on the beach watch video