बॉलिवूड महानायक अभिनेते अमिताभ बच्चन यांच्या 76 व्या वाढदिवसानिमित्त त्यांना एक खास भेट त्यांना देण्यात आली आहे. सध्या सोशल मिडीयावरुन बिग बी यांच्यावर वाढदिवसाच्या शुभेच्छांचा वर्षाव होत आहे. यांपैकीच एक खास शुभेच्छा आली आहे ती म्हणजे 'स्ये रा नरसिम्हा रेड्डी' या सिनेमाकडून.

अमिताभ बच्चन लवकरच तेलगू सिनेमात दिसणार आहेत. 'स्ये रा नरसिम्हा रेड्डी' असे सिनेमाचे नाव आहे. सिनेमाचा टीझर युट्यूबवर नुकताच प्रदर्शित झाला आहे. सिनेमातील अमिताभ बच्चन यांच्या भूमिकेचा फर्स्ट लूक या टीझरमधून दिसतो. या भूमिकेत त्यांचे केस आणि दाढी वाढलेली आणि कपाळावर कुंकवाचा टिळा लावलेला दिसून येत आहे. टीझरमधून 'हॅपी बर्थडे अमित जी' अशा शुभेच्छाही देण्यात आल्या आहेत.
 

स्वातंत्र्यसैनिक उय्यालवाडा नरसिम्हा रेड्डी यांच्या जीवनावर हा सिनेमा आधारित आहे. यात नयनतारा, विजय सेतुपती, तमन्ना आणि सुदीप यांच्याही महत्त्वपूर्ण भूमिका आहेत. 'स्ये रा नरसिम्हा रेड्डी' सिनेमाची निर्मिती मेगास्टार चिरंजीवी यांचा मुलगा रामचरण यांनी केली आहे.