मुंबई - भलेही सध्या क्रिकेटपासून थोडा वेळ हार्दिक पांड्या Hardik Pandya) लांब राहिला असला तरी देखील त्याची सोशल मीडियावर क्रेझ कायम आहे. तो त्याच्या वेगवेगळ्या कारणांसाठी चर्चेत आला आहे. काही दिवसांपूर्वी त्यानं महागड्या घड्याळ्यांच्या किंमतीवरुन विमानतळावरील काही कर्मचाऱ्यांना धारेवर धरले होते. त्यांच्याकडून टॅक्स ड्युटी कमी करण्यासाठी त्यानं दबाबही आणला होता. त्यामुळे त्याच्या नावाची चर्चा झाली होती. सध्या हार्दिक पांड्या त्याच्या गुड न्युजमुळे चर्चेत आला आहे. भारतीय क्रिकेट संघातील सुरु झालेला वाद याकारणामुळे त्याचा फटका हार्दिकला बसल्याचे दिसून आले आहे.

भारतीय क्रिकेट संघातील ऑल राउंडर म्हणून हार्दिक पांड्याचे नाव घ्यावे लागेल. त्याची पत्नी सर्बियन मॉडेल आणि अभिनेत्री नताशा स्टेनकोविकनं (Natasa Stankovic) गेल्या वर्षी अचानक आपल्या लग्नाची आणि प्रेग्नंसीची बातमी दिली होती. त्यामुळे हार्दिक पांड्या आणि नताशा दोघेही चर्चेत आले होते. जुलै 2020 मध्ये त्यांना मुलगा झाला. त्याचे नाव अगस्त्य असे आहे. आता नताशा आणि हार्दिकनं ख्रिसमसच्या निमित्तानं काही फोटो शेयर केले आहेत. त्यामध्ये नेटकऱ्यांनी नताशाच्या प्रेग्नंसीबाबत काही सवाल केले आहेत. त्या फोटोला नेटकऱ्यांचा मोठा प्रतिसादही मिळाला आहे. त्यावर त्यांनी वेगवेगळ्या प्रतिक्रियाही दिल्या आहेत.

सध्या त्या दोघांनाही त्यांच्या फोटोवरुन ट्रोल करण्यात आले आहे. त्या फोटोमध्ये नताशाचा बेबी बंप लूक दिसून आला आहे. त्यामध्ये ती प्रेग्नंट असल्याचे दिसुन आले आहे. भलेही त्यावर चाहत्यांनी वेगवेगळ्या प्रकारच्या कमेंट दिल्या असल्या तरी देखील सेलिब्रेटींनी मात्र त्यावर प्रतिक्रिया देण्याचे टाळले आहे. दुसरीकडे हार्दिक पांड्याला आता पुनरागमनाचे वेध लागले आहे.