मुंबइ्‌ : बहुचर्चीत तानाजी द अनसीन वॉरीयर हा चित्रपट लवकरच प्रेक्षकांच्या भेटीला येणार असून या सिनेमाचा फस्ट लुकचे पोस्टर रिलीज झाले आहे. अजय देवगण हा तानाजी मालुसरे यांच्या भुमिकेत दिसनार आहे. फर्स्ट लुकमध्ये हातात तलवार व रागाने लालबुंद चेहरा ,करारी नजर अशा योध्याच्या भुमिकेत दिसत आहे. तर सैफ अली खानचा देखील फर्स्ट लुक रिलीज झाला असून यामध्ये खलनायकाच्या भुमिकेत तो दिसत आहे. अत्यंत तीक्ष्ण व भेदक अशी नजर व हातात तलवार घेऊन हल्ल्याच्या पावित्र्यात दिसत आहे. 

शिवरायांच्या स्वराज्यासाठी आपल्या प्राणांचे बलीदान देणारा अव्दितीय योध्दा तानाजी मालुसरेंचा गौरवशाली इतिहास या चित्रपटातून प्रेक्षकांच्या भेटीला येत आहे. आपला मुलगा रायबाचे लग्नकार्य बाजूला ठेऊन आधी लगीन कोंढाण्याच म्हणत मोगलांच्या ताब्यातून प्राणाचे बलीदान देऊन कोंढाणा स्वराज्यात सामिल करणारा वीर योध्दा तानाजी मालुसरे मराठ्यांच्या इतिहासातील एक अजरामर व्यक्तीरेखा आहे. तानाजी द अनसीन वॉरीयर या चित्रपटात अजय देवगण हा तानाजीच्या भुमिकेत असून उदयभान सिंग राठोडच्या भुमिकेत सैफ अली खान असेल. 10 जानेवारी 2020 रोजी हा चित्रपट पडद्यावर येणार आहे.