Hema Malini Birthday Party - बॉलीवूडमध्ये हेमा मालिनी यांनी ड्रीम गर्ल म्हणून आपल्या नावाची वेगळी ओळख तयार केली आहे. त्या आज आपला ७५ वा जन्मदिवस साजरा करत आहे. चाहत्यांनी आपल्या आवडत्या सेलिब्रेटीला शुभेच्छा देत त्यांचे अभिष्टचिंतन केले आहे. अशातच हेमाजींच्या जन्मदिनी आयोजित करण्यात आलेल्या त्या कार्यक्रमात जे घडलं त्याची चर्चा होताना दिसत आहे.

बॉलीवूडमधील वेगवेगळ्या सेलिब्रेटींनी देखील हेमाजींना जन्मदिनाच्या शुभेच्छा दिल्या आहेत. हेमा मालिनी यांच्या जन्मदिनाच्या निमित्तानं एका खास कार्यक्रमाचे आयोजन करण्यात आले होते. त्याला बॉलीवूडमधील प्रख्यात अभिनेत्री उपस्थित होत्या. त्यात पद्ममिनी कोल्हापुरे यांच्यासह जया बच्चन देखील हजर होत्या.

Also Read - Navratri 2023 : तलवारीचं 'स्त्री'त्त्व आणि आदिमायेच्या गुणतत्त्वांचा सहसंबंध काय आहे?

हेमा मालिनी यांच्या जन्मदिनाचे औचित्य साधून एका ग्रँड पार्टीचे आय़ोजन करण्यात आले होते. यावेळी जया बच्चन यांनी हेमाजींनी शुभेच्छा दिल्या. त्या शुभेच्छा देण्यासाठी स्टेजवर येताच फोटोग्राफर्सनं त्यांना काही सुचना केल्या. त्या ऐकून जयाजी भडकल्या. त्याचा व्हिडिओ सोशल मीडियावर व्हायरल झाला आहे.

मी फोटोला कशाप्रकारे पोझ द्यायची हे तुम्ही मला सांगण्याची गरज नाही. अशा शब्दांत त्यांनी पापाराझ्झींना धारेवर धरल्याचे दिसून आले आहे. जयाजी या नेहमीच त्यांच्या परखड स्वभावाबद्दल ओळखल्या गेलेल्या सेलिब्रेटी आहेत. त्यांनी यापूर्वी देखील सडेतोडपणे पापाराझ्झींना जशास तसे सुनावले आहे.

हेमा मालिनी यांच्या जन्मदिनानिमित्तानं मुंबईमध्ये एका खास पार्टीचे आयोजन करण्यात आले होते. त्यात जयाजी सहभागी झाल्या होत्या. त्याच बरोबर धर्मेंद्र, ईशा देओल, सलमान खान, राणी मुखर्जी, रविना टंडन, विद्या बालन, अनुपम खेर, जॅकी श्रॉफ, राकेश रोशन, तुषार कपूर, रेखा, माधुरी दीक्षित आणि शिल्पा शेट्टी हे सेलिब्रेटी सहभागी झाले होते.