Hemangi Kavi News: हेमांगी कवी ही मराठी मनोरंजन विश्वातील चर्चेतील अभिनेत्री. हेमांगीने आजवर नाटक, सिनेमा, मालिका अशा विविध माध्यमांमध्ये प्रेक्षकांचं मनोरंजन केलंय. हेमांगी सोशल मीडियावर अनेक गोष्टींबद्दल व्यक्त होत असते.

हेमांगीला सोशल मीडियावर एका नेटकऱ्याचा संतापजनक अनुभव आलाय. त्याबद्दल हेमांगीने इन्स्टाग्राम स्टोरीवर भाष्य करत तीव्र संताप व्यक्त केलाय.

हेमांगीने सोशल मीडियावर व्यक्त केला संताप

हेमांगीच्या एका फोटोवर नेटकऱ्याने विचित्र कमेंट केलीय. त्यामुळे हेमांगीने सोशल मीडियावर नाराजी व्यक्त केलीय. हेमांगी लिहीते, "Bio मध्ये छत्रपती शिवाजी महाराज, गणपती बाप्पा, Indian Army! आणि प्रत्यक्षात वागताना??? असली माणसं आतून जनावरच असतात, ‘माणसा'चं कातडं घालून समाजात हिंडत असतात! हे कुठल्याही चित्रपट, नाटकापेक्षा जास्त घातक आहेत. चित्रपट काल्पनिक असतो पण अशी जनावरं आपल्या आजूबाजूला आहेत, खरीखुरी! वार करतात आणि पकडलेही जात नाहीत! माझ्यासाठी हा violence च आहे!"

नेटकऱ्याने कमेंट डिलीट केल्यावर हेमांगी लिहीते...

पुढे हेमांगीने इन्स्टास्टोरीमध्ये स्क्रीनशॉट टाकल्याने नेटकऱ्याने कमेंट डिलीट केली. हे लक्षात येताच हेमांगी लिहीते, "While everyone is arguing about it.... जरा या माणसाचं BIO बघा! असल्या जनावरांचं काय करायचं? मी हे story मध्ये post केल्यावर याने ही comment delete केली, म्हणून ही story तुम्हांला दिसत नाहीए! चला, आपण आपल्या bio मध्ये ज्यांचा उल्लेख केलाय त्यांची आठवण आली असावी! चांगलंय!"

याविषयी अनेकांनी हेमांगीचं कौतुक केलं असुन नेटकऱ्याबद्दल संताप व्यक्त केलाय.