बॉलिवूडमध्ये एकापेक्षा एक हिट गाणी देणारा गायक हिमेश रेशमिया (Himesh Reshammiya) सोशल मीडियावर नेहमी चर्चेत असतो. हिमेशच्या सोशल मीडियावरील एका फॅन क्लबने नुकताच त्याचा एक खास फोटो शेअर केला आहे. हिमेशचा या फोटोमधील लूक पाहून नेटकरी थक्क झाले आहेत. या फोटोमध्ये हिमेश हा प्रसिद्ध गायिका अल्का याग्निक (Alka Yagnik) यांच्यासोबत दिसत आहे. अल्पावधीतच या फोटोला हजारो लाइक्स आणि कमेंट्स मिळाल्या असून हा फोटो सध्या सोशल मीडियावर प्रचंड व्हायरल होत आहे. (Himesh Reshammiya and Alka Yagnik old photo viral on social media)

हिमेशच्या व्हायरल झालेल्या या फोटोमध्ये हिमेशने चेक्सचा शर्ट आणि ट्राउजर घातले आहे तर अल्का नारंगी रंगाच्या ड्रेसमध्ये दिसत आहेत. अल्का आणि हिमेश यांच्या या फोटोमधील लूकची चर्चा सध्या सोशल मीडियावर होत आहे. एका यूझरने कमेंट केली, 'त्यावेळी हिमेश 50 वर्षांचा होता, आता 25 वर्षांचा दिसतो.' तर दुसऱ्याने लिहिले, 'हिमेश हा 'तारक मेहता का उल्टा चश्मा' या मालिकेमधील भिडे मास्तरसारखा दिसत आहे.'

काही दिवसांपूर्वी हिमेशचे सूरूर 2021 हे गाणे प्रदर्शित झाले. अनेकांची या गाण्याला पसंती मिळाली आहे. सध्या, हिमेश इंडियन आयडॉल १२ या शोमध्ये परिक्षक म्हणून प्रेक्षकांच्या भेटीस येतो. यापूर्वी सा रे गा मा पा चॅलेंज, द वॉइस इंडिया आणि सुपरस्टार सिंगर म्युझिक रिअ‍ॅलिटी शोचे त्याने परिक्षण केले होते. हिमेशने तेरे नाम, ऐतराज, बॉडीगार्ड आणि किक या चित्रपटांना संगीत दिले आहे.