Hina Khan: छोट्या पडद्यावरील ये रिश्ता क्या कहलाता है (Yeh Rishta Kya Kehlata Hai) या मालिकेत अक्षरा ही भूमिका साकारुन घराघरात पोहोचलेली अभिनेत्री हिना खानचा (Hina Khan) चाहता वर्ग मोठा आहे. हिनानं अनेक मालिका आणि टीव्ही शोमध्ये काम केलं आहे. हिना ही सोशल मीडियावर विविध पोस्ट शेअर करत असते. या पोस्टच्या माध्यमातून हिना तिच्या वैयक्तिक आयुष्याची माहिती चाहत्यांना देते. अशातच नुकतीच हिनानं एक पोस्ट शेअर केली आहे. या पोस्टच्या माध्यमातून हिनानं तिला झालेल्या आजाराबद्दल सांगितलं आहे.

हिना खान 'या' आजाराचा करतीये सामना

हिना खाननं नुकताच एक फोटो सोशल मीडियावर शेअर केली आहे. या फोटोमध्ये खजूर दिसत आहे. हा फोटो शेअर करुन हिनानं कॅप्शनमध्ये लिहिलं, "मला गॅस्ट्रोएसोफेजल रिफ्लक्स हा गंभीर आजार (GERD) आहे आणि दुर्दैवाने मी रमजानचे उपवास करत राहिले तर माझी तब्येत बिघडते. आई म्हणते अजवा खजूर खा. .तुम्हाला यावर काही घरगुती उपाय माहित असतील तर ते तुम्ही मला सांगू शकाल का? या पोस्टला कमेंट करा plz, DM करू नका..."

चाहत्यांनी व्यक्त केली चिंता

हिना खाननं शेअर केलेल्या पोस्टला कमेंट करुन चाहत्यांनी तिच्या आरोग्याबद्दल चिंता व्यक्त केली आहे. अनेकांनी हिनाला घरगुती उपचार सांगितले आहेत.

जेव्हा पोटातील आम्ल वारंवार अन्ननलिकेत परत जाते तेव्हा गॅस्ट्रोएसोफेजल रिफ्लक्स आजार होतो. हा ऍसिड रिफ्लक्स तुम्हाला त्रास देऊ शकतो. बऱ्याच लोकांना वेळोवेळी ऍसिड रिफ्लक्सचा त्रास होतो.

हिना खाननं या मालिकेत केलं काम

ये रिश्ता क्या कहलाता है या मालिकेसोबतच हिनानं कसौटी जिंदगी की 2 या मालिकेत देखील काम केलं आहे. तसेच तिनं फिअर फॅक्टर: खतरों के खिलाडी आणि बिग बॉस या शोमध्ये देखील सहभाग घेतला होता. आता हिनाच्या आगामी प्रोजेक्ट्सची प्रेक्षक उत्सुकतेने वाट बघत आहेत.