Hollywood News- हॉलीवूडमधून एक मोठी बातमी समोर येत आहे. ज्यात गेल्या वर्षभरात हॉलीवूडमधून महिला फिल्ममेकर्सची संख्या कमी झालेली दिसते. त्यात धक्कादायक बाब अशी की, गेल्या वर्षी महिला दिग्दर्शकांनी (Hollywood Women Director Role ) जेवढ्या चित्रपटांचे दिग्दर्शन केले ते सर्व चित्रपट प्रचंड लोकप्रिय झाले आहेत. अशी माहिती एका रिपोर्टमधून समोर आली आहे.

हॉलीवूडमधील चित्रपट आणि महिला दिग्दर्शक या विषयावरील एक रिसर्च समोर आला असून त्यातून काही धक्कादायक गोष्टी उघडकीस (Hollywood Latest News) आल्या आहेत. त्यातून हॉलीवूडमधील महिला दिग्दर्शकांची भागीदारी कमी होत असल्याचे म्हटले जात आहे. हॉलीवूड सारख्या प्रसिद्ध चित्रपट विश्वातून महिलांच्या वाट्याला असे उणेपण येण्यामागे काय कारण असू शकते यावर त्या रिपोर्टमधून काही माहिती समोर आली आहे.

फिल्मी जग हे आपल्याला जेवढं झगमगीत दिसतं तेवढं ते प्रत्यक्षात किती मुखवटाधारी लोकांचे आहे हे वेगळं सांगण्याची गरज नाही. त्या इंडस्ट्रीमध्ये लिंग भेद होत असल्याचे यापूर्वी अनेक सेलिब्रेटींनी सांगितले आहे. त्यावरुन काही वादही समोर आले आहेत. महिला दिग्दर्शकांना देखील त्याचा मोठा फटका बसल्याचे सांगण्यात येत आहे.

गेल्या दहा वर्षातील हॉलीवूड मधील महिलांची भागीदारी ही कमी होत चालल्याचे सांगण्यात येत आहे. जागरणनं याबाबत सविस्तर माहिती दिली आहे. गेलं वर्ष त्याबाबत चिंताजनक असल्याचे त्या रिपोर्टमध्ये म्हटले आहे. युएसीच्या एननबर्ग इन्क्ल्युजन इनिशिटीवर च्या रिपोर्टनुसार, गेल्या वर्षी सर्वाधिक लीड रोल मध्ये महिलांचा सहभाग हा फारच कमी असल्याचे दिसून आले आहे. मात्र ज्या चित्रपटांमध्ये महिलांनी लिड अॅक्ट्रेसची भूमिका साकारली होती त्यांनी बॉक्स ऑफिसवर मोठी कमाई केली होती.

१०० मध्ये केवळ १६ चित्रपट महिलांचे...

महिलांची भूमिका असणारे नव्हे तर महिला दिग्दर्शकांचे चित्रपट कमी होत चालल्याचे तो रिपोर्ट सांगतो. काही चित्रपटांनी बॉक्स ऑफिसवर मोठी कमाई केल्याचे दिसून आले आहे. त्यात उदाहरण द्यायचे झाल्यास बार्बीचे देता येईल. त्याचे दिग्दर्शन ग्रेटा गर्विगनं केलं होतं. या वर्षी हॉलीवूडचे जे सर्वोत्तम १०० चित्रपट आहेत त्यात महिला दिग्दर्शकांच्या चित्रपटांची संख्या ही केवळ १६ आहेत. २००२ मध्ये ही संख्या १८ एवढे होते.