India Vs Pakistan Match: सध्या सर्वत्र विश्वचषकाचे वारे वाहत आहेत. त्यातच सर्वांच्या नजरा आजच्या सामन्याकडे लागल्या आहेत. कारण आज भारत आणि पाकिस्तानचा संघ विश्वचषकात आमनेसामने येणार आहेत. आज हा महासामना रंगणार आहे.

हा सामना अहमदाबादच्या नरेंद्र मोदी स्टेडियमवर होणार आहे. देशभरातील सर्व क्रिकेटप्रेमींचे लक्ष आज भारतीय संघाकडे आहे.

हा सामना पाहण्यासाठी सर्व क्रिकेटप्रेमी उत्सुक आहेत. अनेकांनी स्टेडियममध्ये हा सामना पाहण्यासाठी गर्दी केली आहे. दोन्ही संघांमध्ये हा रोमांचक सामना पाहण्यासाठी अनेक सेलिब्रिटीही अहमदाबादला पोहोचले आहेत.

यात बॉलिवूड अभिनेत्री आणि विराट कोहलीची पत्नी अनुष्का शर्मा अहमदाबाद विमानतळावर दिसली. टीम इंडियाला आणि विराटला सपोर्ट करण्यासाठी अनुष्का नरेंद्र मोदी स्टेडियमवर उपस्थीत राहणार आहे.

सध्या सोशल मीडियावर अनुष्का शर्माचा व्हिडिओ व्हायरल होत आहे. ती काळ्या रंगाच्या ड्रेसमध्ये विमानतळावर पोहोचली. तर दुसरीकडे अनुष्का आणि सचिन तेंडुलकरसोबतचा फोटो देखील सोशल मीडियावर व्हायरल झाला आहे

त्याचबरोबर प्रसिद्ध गायक अरिजित सिंगही अहमदाबादला पोहोचला आहे. भारत-पाकिस्तान सामन्यापूर्वी तो नरेंद्र मोदी स्टेडियमवर तो त्याच्या सुरेल आवाजात परफॉर्म देणार आहे.

यापुर्वी आयपीएल 2023 च्या ओपनिंग मॅचपूर्वी त्याने याच स्टेडियमवर परफॉर्म केला होता. 12.30 च्या सुमारास अरिजित सिंग, सुनिधी चौहान, शंकर महादेवन आणि सुखविंदर सिंग यांच्यासह अनेक सेलिब्रिटी या कार्यक्रमात परफॉर्म करतील .

भारत विरुद्ध पाकिस्तान हा सामना दुपारी २ वाजता होणार आहे. डिस्ने प्लस हॉटस्टारवर भारत आणि पाकिस्तान यांच्यातील हा शानदार सामना प्रेक्षक घरबसल्या पाहू शकणार आहेत.