कोरोनाचं सावट दूर झाल्यानंतर काही अंशी का होईना मनोरंजन (Entertainment) क्षेत्राला दिलासा मिळाला आहे. नव्यानं मोठ्या प्रमाणावर वेब सीरिज आणि चित्रपट प्रदर्शित होताना दिसत आहे. गेल्या दोन वर्षांपासून प्रदर्शनाच्या तयारीत असलेल्या 83 नावाच्या वर्ल्ड कपवर आधारित चित्रपट प्रदर्शित होणार आहे. सध्या त्याचे प्रमोशन सुरु झाले आहे. त्यानिमित्तानं अनेक कार्यक्रमांमध्ये वर्ल्ड कपच्या संघात सहभागी असलेले खेळाडूंनी त्यावेळच्या आठवणींना उजाळा दिला आहे. (the story of 83 world cup winning history)

25 जून 1983 हा इतिहासातील असा क्षण आहे जो प्रत्येक भारतीयाच्या स्मरणात कोरला जाईल. तो दिवस होता जेव्हा कपिल देव यांच्या संघाने क्रीडा इतिहासातील सर्वात मोठी कामगिरी केली - फक्त क्रिकेटच नाही - तर विश्वचषक जिंकून इतिहास रचला. बहुप्रतिक्षित चित्रपट '83' चा प्रेरणादायी ट्रेलर रिलीज केल्यानंतर, निर्मात्यांनी अलीकडेच चित्रपट निर्माते राजकुमार हिरानी (rajkumar hirani) यांचा 1983 च्या क्रिकेट वर्ल्ड कपच्या आठवणींचा आणखी एक प्रभावी व्हिडिओ रिलीज केला. कबीर खान (kabir khan) यांच्याद्वारे दिग्दर्शित '83 वर्षातला सर्वात प्रतीक्षित चित्रपटांपैकी एक आहे. चित्रपट भारताच्या ऐतिहासिक 1983 च्या विश्व कप विजयाची कहाणी आहे. चित्रपटाची निर्मिती दीपिका पादुकोण, कबीर खान, विष्णु वर्धन इंदुरी, साजिद नाडियाडवाला, फैंटम फिल्म्स, रिलायंस एंटरटेनमेंट यांनी मिळून केली आहे.

प्रेक्षकांच्या उत्सुकतेला अधिक ताणत निर्मात्यांनी दिग्गज क्रिकेटपटू कीर्ती आझाद यांचा एक नवीन व्हिडिओ प्रदर्शित केला आहे. ज्यामध्ये त्यांनी 1983 च्या ऐतिहासिक सामन्यातील एक अविश्वसनीय किस्सा शेअर केला, ज्यामध्ये ते एक असा चेंडू टाकण्यात यशस्वी झाले ज्याने फलंदाज आश्चर्यचकित झाला आणि ते संघासाठी शानदार विश्वचषक जिंकण्याचे सर्वात महत्त्वाचे कारण ठरले. रणवीर सिंह चित्रपटात कपिल देव यांची भूमिका साकारणार आहे. यासोबतच ताहिर राज भसीन, जीवा, साकिब सलीम, जतिन सरना, चिराग पाटिल, दिनकर शर्मा, निशांत दहिया, हार्डी संधू, साहिल खट्टर, अम्मी विर्क, आदिनाथ कोठारे, धैर्य करवा, आर बद्री आणि पंकज त्रिपाठी देखील महत्त्वाच्या भूमिकेत दिसणार आहेत. दीपिका पादुकोण या चित्रपटात कपिल देव यांची पत्नी रोमीची व्यक्तिरेखा साकारणार आहे.