महाराष्ट्रात सध्या गौतमी पाटीलचं नाव सातत्याने चर्चेत आहे. तिच्या कार्यक्रमांना हजारोंची गर्दी होते. त्यामुळे तिच्यावर टीका केली जाते. आता तिने 'पाटील' आडनाव लावू नये, असा इशारा तिला देण्यात आला आहे. शिवाय त्यासंबंधीची एक बैठक पुण्यात झाली होती. गौतमीचं खरं आडनाव 'पाटील' नसून 'चाबुकस्वार' असल्याचं समोर येत आहे. त्यामुळे पाटील हे आडनाव लावून ती पाटलांची बदनामी करतेय, असा तिच्यावर आरोप आहे.
तिने पाटील आडनाव लावू नये, अन्यथा महाराष्ट्रात तिचे कार्यक्रम होऊ देणार नाही, असा इशारा मराठा समन्वयक राजेंद्र जराड पाटील यांनी दिला. एकीकडे पुण्यात मराठा महासंघाने गौतमीला पाटील आडनाव लावण्यास विरोध केला. तर दुसरीकडे मात्र जळगावतील मराठा महासंघाने गौतमी पाटीलला पाठिंबा दिला आहे.
पाटील हे आडनाव कुणाची मक्तेदारी नाही. पाटील हे आडनाव कोणतीही जात दर्शवत नाही. हे आडनाव म्हणजे एक उपाधी आहे. ज्यांच्याकडे पाटीलकी असायची ते पाटील आडनाव लावायचे. अगदी ब्राह्मणांमध्येही पाटील आडनाव आहे. त्यामुळे पाटील आडनावावर कुणाची मक्तेदारी नाही. गौतमी पाटीलला आडनाव वापरण्यापासून कोणीही रोखू नये, असं मराठा महासंघाने म्हटलं आहे.
मराठा सेवा संघाचे नेते सुरेंद्र पाटील यांनी यासंबधी प्रतिक्रिया दिली आहे. गौतमी पाटीलचं आडनाव पाटील आहे, म्हणून मराठा समाजाची बदनामी होत आहे असं कोणाला वाटत असेल तर ते चुकीचं आहे. वैयक्तिकरित्या ते मला पटत नाही. सामाजिकरित्या पाटील हे आडनाव हे मराठा समाजाचं आहे, असं मला वाटत नाही. कारण मी स्वत: पाटील आहे. पण आमचं मूळ आडनाव जाधव आहे. पण आमच्या घरात पाटीलकी असल्याने आमच्या घरच्यांनी पाटील आडनाव लावलं आहे, असं सुरेंद्र पाटील म्हणाले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.