ज्येष्ठ पटकथा लेखक जावेद अख्तर आणि गुलजार यांचा एक व्हिडिओ सध्या सोशल मिडियावर व्हायरल होत आहे. या व्हिडिओत गुलजार हे त्याचे मित्र जावेद यांच्यासाठी एक कविता ऐकवत आहे. यादरम्यान दोघांच्या पहिल्या भेटीचा किस्साही समोर आला.

जावेद अख्तर आणि गुलजार यांची पहिली भेट 1971 मध्ये रमेश सिप्पी यांच्या 'अंदाज' चित्रपटादरम्यान झाली होती. सोमवारी गुलजार यांनी “जादूनामा” या पुस्तकाचे प्रकाशन केलं, ज्याचं शीर्षक अख्तर यांच्या 'जादू' या टोपण नावावरून घेण्यात आले आहे. 'जदुनामा' या पुस्तकात अख्तर यांच्या जाहीर भाषणं, मुलाखती आणि त्यांनी केलेल्या विधानांच संकलन आहे.

या व्हायरल व्हिडिओमध्ये गुजलार म्हणतात की, 'तुम्ही तर लिहून दिलं .. एक लड़की को देखा तो ऐसा लगा पण प्रत्येक कडव्याला असं वाटतं की ती दुसरी मुलगी आहे पहिली नाही' गुलजारसाहेबांचे बोलणे ऐकून जावेद अख्तर जोरजोरात हसायला लागतात. त्यानंतर गुलजार त्यांची एक कविता ऐकवतात.

एकीकडे, अख्तर यांनी “अंदाज”ची पटकथा लेखक आणि त्याचेसोबती सलीम खान यांच्यासोबत लिहिली, तर गुलजार यांच्यावर त्याचे संवाद लिहिण्याची जबाबदारी देण्यात आली. या चित्रपटात शम्मी कपूर, हेमा मालिनी, राजेश खन्ना आणि सिमी गरेवाल यांच्या भूमिका होत्या.

हेही वाचा - या महामार्गामुळं खरंच येईल 'समृद्धी'?

जावेद अख्तर या कार्यक्रमात म्हणाले, “गुलजार साहब संवाद लिहीत होते आणि आम्ही पटकथा लिहित होतो. हा चित्रपट हिट झाला आणि गुलजार साहब आणि मी चांगले मित्र झालो. आम्ही अनेकदा भेटत नाही पण जेव्हाही भेटतो तेव्हा तासनतास बोलत असतो.” अख्तर यांनी सांगितले की, ते दोघे अजूनही एकमेकांना पत्र लिहितात