Jawan Leaked Online In HD Quality: गेल्या काही दिवसांपासून बॉलिवूडचा किंग शाहरुख खान आणि नयनतारा स्टारर 'जवान' या चित्रपटसाची क्रेझ चाहत्यांमध्ये होती. अखेर तो दिवस उजाडला आणि शाहरुख खानचा जवान आज थिएटरमध्ये रिलिज झाला. या चित्रपटाची गाणी आणि ट्रेलर रिलिज होताच चाहत्यांमध्ये उत्साह दिसत होता.

चित्रपट रिलिज झाल्यानंतर चाहत्यांनी सकाळपासून थिएटरमध्ये एकच गर्दी केली आहे. चित्रपटाची ट्विटरसह इतर सोशल मीडियावर खुप चर्चा आहे. मात्र चित्रपट रिलिज होताच आता शाहरुख खान आणि निर्मात्यासाठी एक वाईट बातमी समोर आली आहे.

शाहरुखचा जवान रिलिज होऊन पहिला शो रिलिज होताच चित्रपट लीक झाला आहे. तो देखील एचडी प्रिंटमध्ये. त्यामुळे आता याचा चित्रपटाच्या कमाईला मोठा धक्का बसू शकतो असं बोललं जात आहे.

शाहरुख खानच्या 'जवान' या चित्रपटाची चाहत्यांमध्ये जितकी क्रेझ आहे. तितकाच सोशल मीडियावर पायरसी करणाऱ्या हॅकर लोकांचीही नजर होती. याच कारणामुळे हा चित्रपट रिलीज झाल्यानंतर लगेचच ऑनलाईन लीक झाला.

इकडे 'जवान'चा पहिला शो संपला अन् तिकडे सोशल मीडियावर हा चित्रप लीक झाला. त्यामुळे याचा आता निर्मात्यांना मोठा फटका बसणार आहे. कारण पायरसीचा थेट परिणाम चित्रपटाच्या कमाईवर होतो.

साइटच्या बाबतीत बोलायचं झालं तर शाहरुखचा जवान बऱ्याच साईटवर लीक झाला आहे. त्यात तमिलरॉकर्स, Mp4movies, Pagalworld, Vegamovie, Torrent आणि Filmyzilla सारख्या अनेक पायरसी साइट्सचा सामावेश आहे. नेटकऱ्यांना हा चित्रपट तिथे HD मध्ये उपलब्ध आहे. हे काही पहिल्यांदाच झालेले नाही असे अनेक चित्रपट लीक झाले आहेत

शाहरुख खानच्या या चित्रपटाने रेकॉर्डब्रेक अॅडवान्स बुकिंग केली होती. या चित्रपटाने प्रीसेलमध्ये 17 कोटींहून अधिक कमाई केली आहे. तर पहिल्याच दिवशी शाहरुखचा जवान चित्रपट बंपर कलेक्शन करु शकतो अशी आशा आहे. त्यातच आता चित्रपट लीक झाल्याने त्याचा फटकाही चित्रपटाच्या कमाईला बसेल.

जवान चे दिग्दर्शन अॅटली यांनी केले आहे. शाहरुख खान व्यतिरिक्त नयनतारा, विजय सेतुपती, सान्या मल्होत्रा, रिद्धी डोगरा यांच्यासह अनेक कलाकारांनी या चित्रपटात महत्त्वाच्या भूमिका साकारल्या आहेत. तर या चित्रपटात दीपिका पदुकोणचा देखील खास कॅमिओ आहे. या चित्रपटातील ‘जिंदा बंदा’ आणि ‘चलेया’ सारखी गाणी आधीच चार्टबस्टर ठरली आहेत.