Jawan OTT release: बॉलीवूडचा सुपरस्टार शाहरुख खान हा गेल्या काही दिवसांपासून त्याच्या 'जवान' चित्रपटामुळे चर्चेत आहे. हे वर्ष शाहरुख खानसाठी खुप खास ठरलं आहे. या वर्षी त्याचा 'पठाण' आणि 'जवान' हे चित्रपट प्रेक्षकांच्या भेटीला आले होते. या दोन्ही सिनेमांनी बॉक्स ऑफिसवर धुमाकूळ घातला. दोन्ही चित्रपटांनी बॉक्स ऑफिसवर हजार कोटींच्यावर कमाई केली आहे.

आता शाहरुख खानचा जवान हा चित्रपट हजार करोडच्यावर कमाई करणारा पहिला हिंदी सिनेमा ठरला आहे. तर याच वर्षी शाहरुखचा 'डंकी' हा सिनेमा डिसेंबरमध्ये रिलिज होणार आहे. या चित्रपटाची प्रेक्षक आत्तापासूनच प्रतिक्षा करत आहेत.

तर जवान सिनेमा रिलिजच्या एक महिन्यानतंरही चित्रपटगृहात ठाण मांडून बसला आहे. आता त्याच्यातच शाहरुख खान चा जवान हा ओटीटीवर रिलिज होण्यासाठी सज्ज झाला आहे.

मीडिया रिपोर्ट्सनुसार, जवान हा सिनेमा नेटफ्लिक्सवर रिलिज होण्यासाठी सज्ज असल्याचे बोलले जात आहे. नेटफ्लिक्सने जवान चित्रपटाचे ओटीटी हक्क तब्बल 250 कोटी रुपयांना विकत घेतले असल्याचे बोललं जात आहे.

चित्रपट प्रदर्शित झाल्यानंतर सुमारे 45 ते 60 दिवसांच्या आत तो OTT प्लॅटफॉर्मवर प्रेक्षकांच्या भेटीला येतो. त्यामुळे आता शाहरुखचा जवान हा सिनेमा ऑक्टोबरच्या अखेरीस म्हणजे विशेषत: 28 किंवा 29 तारखेच्या आसपास नेटफ्लिक्सवर प्रदर्शित होणार अशी चर्चा आहे.

तर दुसरीकडे पिंकव्हिलाच्या वृत्तानुसार, जवान चित्रपट शाहरुखच्या वाढदिवशी म्हणजेच 2 नोव्हेंबर रोजी Netflix वर रिलिज होईल. यावर्षी शाहरुखचा 58 वा वाढदिवस आहे. तर 11 ऑक्टोबर 2023 रोजी याची घोषणा केली जाईल. मात्र याबाबात अधिकृत माहीती समोर आलेली नाही.

त्यामुळे आता जर तुम्ही जवान सिनेमा आत्तपर्यंत पाहिला नसेल तर हा सिनेमा तुम्ही घरबसल्या पाहू शकतात.

जवानाने शाहरुखच्या पठाण चित्रपटालाही मागे टाकला आहे. जवानाने आतापर्यंत जगभरात 1100 कोटींची कमाई केली आहे. तर यात चित्रपटाने भारतात 618 कोटी रुपयांचा गल्ला जमवला आहे.

अॅटली दिग्दर्शित जवानमध्ये शाहरुख खानशिवाय प्रसिद्ध अभिनेता विजय सेतुपती, नयनतारा, दीपिका पदुकोण, संजय दत्त, गिरिजा ओक, सान्या मल्होत्रा यांच्या महत्त्वाच्या भूमिका आहेत. तर आता प्रेक्षकांना जवान च्या दुसऱ्या भागाची प्रतिक्षा लागली आहे.