Jaya Bachchan News: बॉलिवूड मेगास्टार अमिताभ बच्चन यांची नात नव्या नवेली नंदा जरी चित्रपट जगतापासून दूर असली तरी अनेकदा कोणत्या ना कोणत्या कारणाने चर्चेत असते. सध्या ती तिच्या पॉडकास्ट शो 'व्हॉट द हेल नव्या'मुळे चर्चेत आहे.

आता या पॉडकास्टच्या दुसऱ्या सीझनचा ट्रेलरही रिलीज झाला आहे. यामध्ये ती तिची आजी आणि ज्येष्ठ अभिनेत्री जया बच्चन आणि आई श्वेता नंदा यांच्यासोबत खूप मस्ती करताना दिसत आहे.

जया बच्चन यांचा मुलाखतीत खुलासा

जया या मुलाखतीत मुलगी आणि नात दोघींनाही, 'तुम्ही लोकं खूप शिव्या घालता.' असं म्हणते. त्याचवेळी नव्याने तिची आई श्वेता हिला सांगितले की, "मलाही तुझ्यासारखी विनोदबुद्धी मिळाली आहे."

दुसरीकडे गप्पा सुरु असताना जया म्हणताात, " लग्नानंतर रोमान्स खिडकीतून बाहेर जातो. लग्नानंतर रोमान्स पूर्णपणे संपतो." यावर श्वेता म्हणाली, "माझ्या घरात काय सुरु आहे, याची मला कानोकान खबर असते."

पॉडकास्टचा प्रोमो शेअर करताना पोस्टमध्ये एक मजेदार कॅप्शनही दिसले. कॅप्शनमध्ये असे लिहिले आहे की, "यावेळी, आमचे संभाषण मस्त झाले आहे. तुम्हाला या अनफिल्टर्ड चर्चेचा भाग होण्यासाठी आमंत्रित केले आहे."

नव्याच्या या पॉडकास्टचा नवीन सीझन 1 फेब्रुवारीपासून नव्या नवेली नंदा या YouTube चॅनलवर दिसेल. दर आठवड्याला या पॉडकास्टचा एक भाग सर्वांना पाहता येईल.