Ali Asgar Elimination News झलक दिखला जा १० चा प्रवास सुरू होऊन दोन आठवडे उलटून गेले आहेत. सर्व स्पर्धक आपला पूर्ण जोर लावत आहेत. दरम्यान, सीझनचे पहिले एलिमिनेशन फायनल झाले आहे. विविध पात्रे साकारून लोकांच्या चेहऱ्यावर हसू आणणाऱ्या अली असगरचा (Ali Asgar) प्रवास संपला. अली असगर अलीकडेच शोमध्ये खूप भावूक होताना दिसला होता. त्याने त्याच्या वैयक्तिक आयुष्यातील काही किस्से शेअर केले होते.

अली असगर (Ali Asgar) आणि जोरावर कालरा यांना जजेस यांनी समान गुण दिले होते. अखेरीस सार्वजनिक मतदानाच्या (पब्लिक वोटिंग) आधारे अली असगरचे एलिमिनेशन करण्यात आले. अली आणि कोरियोग्राफर पार्टनर लिप्सा यापुढे या शोचा भाग असणार नाहीत. अली असगरला बाहेर काढणे त्याच्या चाहत्यांसाठी धक्कादायक होते.

शो मधून बाहेर येण्यापूर्वी अली पुन्हा एकदा सेटवर भावूक होताना दिसला. शोच्या पहिल्या एलिमिनेशननंतर आता स्पर्धा आणखी कठीण होईल. स्पर्धकांना हे देखील समजले आहे की शो मधील त्यांचा प्रवास कधीही संपुष्टात येऊ शकतो. त्यामुळे त्यांना त्यांच्या सर्व प्रयत्नांसह शंभर टक्के द्यावे लागतील.

झलक दिखला जा सीझन १० मधील अली असगरच्या प्रवासाविषयी बोलताना त्याने अनेक क्षणी चाहत्यांना भावूक केले. या वीकेंडच्या एपिसोडची थीम कौटुंबिक होती. यामध्ये स्पर्धकांना पार्टनरसोबत जीवनातील कष्टांबद्दल आणि एक व्यक्ती जी नेहमीच त्यांची ताकद आहे याबद्दल नृत्य समर्पण करायचे होते.