Jiah Khan Death : अभिनेत्री जिया खान मृत्यू प्रकरणात मुंबईच्या सीबीआय विशेष न्यायालयाने पुराव्याअभावी अभिनेता सूरज पांचोलीची निर्दोष मुक्तता केली आहे. सूरज पांचोलीवर जिया खानला आत्महत्येस प्रवृत्त केल्याचा आरोप होता. 2019 पासून सीबीआय कोर्टात या प्रकरणाची सुनावणी सुरू होती. आज निर्णय आला आहे.

3 जून 2013 रोजी अभिनेत्रीचा मृतदेह तिच्या मुंबईतील घरी सापडला होता. गेल्या आठवड्यात सीबीआयचे विशेष न्यायाधीश एएस सय्यद यांनी दोन्ही बाजूंचा अंतिम युक्तिवाद ऐकून घेतल्यानंतर या खटल्याचा निकाल २८ एप्रिलपर्यंत राखून ठेवला होता. त्यानंतर कोर्टानं हा निकाल दिला.

तर दुसरीकडे जिया खानच्या आईची मात्र न्यायालयाकडून न्यायाची अपेक्षा भंग झाली असल्याचं सांगत दिसत आहे. जियाची आई राबिया सुरुवातीपासून ही आत्महत्या नसून हत्या असल्याचे सांगत आहे.

राबिया यांनी याआधीही तिच्या मुलीला न्याय मिळावा अशी मागणी केली होती. दरम्यान आता आलेल्या या निकालानंतर त्यांनी त्यांची भुमिका स्पष्ट केली आहे. ते या निकाला आव्हान देणार असून आता हायकोर्टात त्या याचिका दाखल करणार आहे.

सूरज पांचोलीच्या निर्दोष सुटकेवर जिया खानच्या आईने आपला लढा सुरूच राहणार असल्याचे सांगितलं. राबिया खान म्हणाल्या, 'मी सुरुवातीपासूनच सांगत आहे की, हे प्रकरण केवळ आत्महत्येस प्रवृत्त करण्याचं नाही, तर हत्या आहे. हे खुनाचे प्रकरण आहे. मी न्यायालयाच्या निर्णयाचा आदर करतो. माझा लढा सुरूच आहे. या निर्णयाला उच्च न्यायालयात आव्हान देणार आहे. मी एक आई आहे आणि मी माझ्या मुलीसाठी का नाही लढणार?