John Abraham Birthday: एकेकाळी बॉलीवुडमध्ये दबदबा निर्माण करणारा आणि लाखों चाहते असणारा अभिनेता जॉन अब्राहम बऱ्याच वर्षांनी पुन्हा एकदा चित्रपटात पदार्पण करत आहे. लवकरच तो शाहरुखच्या 'पठाण' सिनेमात झळकणार आहे. जॉनच्या मनोरंजन विश्वातील करकीर्दीला लवकरच वीस वर्षे होणार आहेत. या वीस वर्षात त्याने आपल्या कामातून कोट्यावधींची कमाई केली. आज जॉनचा वाढदिवस.. त्यानिमित्ताने जाणून घेऊया जॉनकडे नेमकी किती संपत्ती आहे..

(John Abraham Birthday property films lifestyle cars)

जॉनने २००३ मध्ये 'जिस्म' या चित्रपटातून बॉलिवूडमध्ये पदार्पण केलं. त्याआधी त्याने मॉडेल म्हणून इंडस्ट्रीत आपला जम बसवला होता. अभिनयात आल्यानंतर त्याने झोकून कामाला सुरवात केली आणि वीस वर्षात तो जवळपास 300 कोटींचा मालक झाला आहे. एका माध्यमाने दिलेल्या वृत्तानुसार, जॉन तब्बल ३४ दशलक्ष युएस डॉलर्स म्हणजेच जवळपास 260 कोटींचा मालक आहे. एका चित्रपटासाठी तो जवळपास सहा ते सात कोटी रुपये मानधन घेतो.

अभिनयाशिवाय जॉन अनेक ब्रँड्सचा अॅम्बेसेडर असून त्यातून त्याची बरीच कमाई होते. ब्रँड एंडोर्समेंटसाठी तो जवळपास एक कोटी रुपये मानधन घेतो. इतकंच नव्हे तर त्याचं स्वत:चं प्रॉडक्शन हाऊससुद्धा आहे. त्याच्या प्रॉडक्शन हाऊसने 'विकी डोनर' आणि 'मद्रास कॅफे' या चित्रपटांची निर्मिती केली आहे. जॉन फिटनेस फ्रीक म्हणून ओळखला जातो. त्याला स्पोर्ट्सची खूप आवड असून इंडियन सुपर लीगमधील नॉर्थईस्ट युनायटेड एफसी या फुटबॉल संघाचा तो मालक आहे.

बॉलीवूड इंडस्ट्रीतील सर्वाधिक कमाई करणाऱ्या अभिनेत्यांपैकी एक जॉन असून त्याचं वार्षिक उत्पन्न जवळपास १५.५ कोटी रुपये इतकं असून दरवर्षी हा आकडा वाढतोय. याशिवाय त्याच्याकडे अनेक गाड्या, महागड्या वस्तू संग्रही आहेत, ज्याची किंमतही कोटींच्या घरात आहे.