अॅक्शन-थ्रिलर चित्रपटांसाठी ओळखला जाणारा अभिनेता जॉन अब्राहम त्याच्या फिटनेसमुळेही अनेकदा चर्चेत असतो. जॉनने मॉडेलिंगपासून त्याच्या करिअरची सुरुवात केली असून त्याच्या 'परफेक्ट' शरीरयष्टीवर लाखो तरुणी फिदा आहेत. सोशल मीडियावर सक्रिय असणाऱ्या जॉनने नुकताच त्याचा एक फोटो पोस्ट केला असून त्यावर चाहत्यांकडून लाइक्स व कमेंट्सचा वर्षाव होतोय. 

इन्स्टाग्राम अकाऊंटवर जॉनने हा फोटो पोस्ट आहे. या फोटोमधील जॉनच्या हॉट अंदाजावर नेटकऱ्यांनी भरभरून कमेंट्स केल्या आहेत. 'वॉर्डरोबसाठी वाट पाहतोय' असं कॅप्शन जॉनने या फोटोला दिलं आहे. तुझा फोटो कोणी काढला, असेही प्रश्न काही नेटकरी त्याला विचारतायत. तर उन्हाळा सुरु झाला वाटतं, असं म्हणत काहीजण मस्करी करतायत. 

हेही वाचा : लग्नाच्या तीन वर्षांनंतर विमान अपघातात झाला अभिनेत्रीच्या पतीचा मृत्यू

जॉनच्या चित्रपटांविषयी बोलायचे झाल्यास, तो 'अटॅक' या चित्रपटात मुख्य भूमिकेत झळकणार आहे. याच चित्रपटाच्या सेटवर अॅक्शन सीनचं शूटिंग करत असताना जॉनला दुखापत झाली होती. याचं दिग्दर्शन लक्ष राज आनंद करणार असून चित्रपटाची निर्मिती धीरज वाधवान, अजय कपूर आणि जॉनची प्रॉडक्शन कंपनी करणार आहे.