मुंबई- सेलिब्रिटींचं कोणतं ट्विट कधी व्हायरल होईल सांगता येत नाही. असंच काहीसं झालंय ते अभिनेत्री जुही चावलाच्या बाबतीत. अभिनेत्री जुही चावलाने रविवारी ट्विट करुन सांगितलं आहे की तिच्या कानातला झुमका मुंबई एअरपोर्टवर पडला आहे. तिचा हा झुमका हरवल्याने ती हैराण झाली आहे. जुहीने ट्विट करुन या घटनेची माहिती दिली आहे.  

हे ही वाचा:  भूमी पेडणेकरला बॉलीवूडमधील 'या' प्रसिद्ध अभिनेत्याची भूमिका साकारण्याची आहे इच्छा  

जुहीने ट्विट करत या घटनेविषयी सविस्तर सांगितलं आहे. तिने इथपर्यंत म्हटलं आहे की जो तिचा हा कानातला झुमका शोधून देईल त्याला ती बक्षीस देण्यासाठी देखील तयार आहे. जुहीचं हे ट्विट आता व्हायरल झालं आहे. या व्हायरल ट्विटमध्ये जूहीने सांगितलं आहे की सकाळी मी मुंबई एअरपोर्टच्या गेट नंबर ८ कडे जात होती. एमिरेट्स काऊंटरवर मी चेक इन केलं. सिक्युरिटी चेक झालं. मात्र यामध्येच कुठेतरी माझा डायमंड झुमका पडला आहे.

जुहीने पुढे म्हटलंय की जर कोणी माझी मदत करु शकलं तर मला खूप आनंद होईल. तुम्ही पोलिसांना माहिती द्या. मी तुम्हाला बक्षीस देईन. हा झुमका माझा मॅचिंग पीस आहे जो मी १५ वर्षांपासून सतत घालत आहे. कृपया मला हे शोधण्यासाठी मदत करा. या लांबलचक पोस्टसोबत जुहीने त्या डायमंड झुमक्याचा फोटो देखील शेअर केला आहे. तिने तिच्या एका हातात झुमका पकडला आहे. तिला आशा आहे की कोणी ना कोणी तिला हा तिचा महागडा झुमका आणुन देईल.

अभिनेत्री जुही चावला सध्या लाईमलाईटपासून लांब असली तरी तिच्या या झुमक्याने मात्र ती पुन्हा एकदा चर्चेत आली आहे. यावेळी तिचा झुमका एअरपोर्टवर हरवला आहे मात्र बरोब्बर एक महिना आधी याच मुंबई एअरपोर्टच्या अधिका-यांवर खराब व्यवस्थेमुळे तिने ट्विट करत राग व्यक्त केला होता.   

juhi chawla diamond earring lost at airport tweet going viral will get reward