नवी दिल्ली : हिंदू देवी काली माँचे आक्षेपार्ह छायाचित्र शेअर करून वाद निर्माण करणाऱ्या चित्रपट दिग्दर्शिका लीना मनिमेकलाई यांनी आता स्वत:ला असुरक्षित वाटत असल्याचे म्हटले आहे. लीनाने काही वेळापूर्वी ट्विट करून म्हटले होते की, 'संपूर्ण देश मला सेन्सॉर करू इच्छित आहे.' लीनाने काली चित्रपटाचे पोस्टर ट्विट केले होते, ज्यामध्ये माँ काली सिगारेट ओढताना दिसून येत होती. लीनाच्या या ट्विटचा देशभरात निषेध सुरू झाला आणि सर्वसामान्यांपासून ते राजकारण्यांनी आक्षेप घेतला. यानंतर लीनावर गुन्हे दाखल करण्यात आले होते.

दरम्यान, हा वाद तापत असल्याचे पाहून दिग्दर्शक-निर्मात्याने लीनाची ही पोस्ट डिलीट केली होती. मात्र, त्यानंतरही लीना थांबली नाही आणि आज सकाळी तिने भगवान शिव-माता पार्वतीवरील आक्षेपार्ह ट्विट केले. लीनाने आज सकाळी एक फोटो ट्वीट केला आहे. ज्यामध्ये माता पार्वती आणि भगवान शिव सिगारेट ओढत असल्याचा फोटो टाकला होता. तिच्या या कृतीनंतर लीनाची ही कृतीमुद्दाम प्रक्षोभक करण्याची असून अनेकांनी यावर संताप व्यक्त केला आहे.

आजच्या ट्वीटवरून पुन्हा वाद

आज सकाळी लीनानं एक फोटो ट्वीट केला होता. ज्यामध्ये तिनं लिहिलं होतं की, 'कही और...' या तिच्या ट्वीटवर नेटकऱ्यांनी तिला पुन्हा टार्गेट करायला सुरुवात केली आहे. एकानं लिहिलं आहे,'ही फक्त चुकीच्या गोष्टी समाजात पसरवायचा प्रयत्न करते आहे'. तर दुसऱ्या एकानं लिहिलं आहे,'आपल्या धर्माचा अपमान करणं बंद कर'. लीना मणिमेकलईने केलेल्या ट्वीट केलेल्या फोटोवर राजकीय गटातूनही प्रतिक्रिया यायला सुरुवात झाली आहे. भाजप नेता शहजाद पुनावालाने यावर प्रतिक्रिया दिली आहे. त्यांनी लिहिलं आहे,'हे फक्त व्यक्ति स्वातंत्र्याच्या नावाखाली केलं जात नाहीय तर जाणूनबुजून समाजात तिढा निर्माण करण्याचा हेतू यामागे आहे'.(Kaali Movie Poster Controversy)