Manasi Mohille News: मानसी सिंग मोहीले ही मराठी मनोरंजन विश्वातील लोकप्रिय अभिनेत्री. मानसीला आपण आजवर अनेक मालिका आणि जाहीरातींमधुन अभिनय करताना पाहिलंय.

मानसीने काहीच दिवसांपुर्वी मुलीला जन्म दिला. त्यानिमित्ताने मानसीला सर्वांनी शुभेच्छा दिल्या. आता मानसीच्या लेकीचं बारसं झालंय. मानसीने मुलीचं काय नाव ठेवलंय बघा.

(kahe diya pardes actress mansi mohille baby girl naming ceremony)

मानसीने ठेवलं मुलीचं हे खास नाव

मानसीने सोशल मीडियावर मुलीसोबतचे खास फोटो शेअर केलेत. यात तिने मुलीचा चेहरा दाखवला नाही. पण मुलीचं नाव मात्र सांगितलं.

मानसीच्या मुलीचं नाव ठेवलंय साची. मानसीने ठेवलेल्या मुलीच्या नावाचे वेगवेगळे अर्थ निघतात. साची हे अग्निचं दुसरं नाव आहे. याशिवाय प्रिय, सोबती असेही या नावाचे अर्थ निघतात.

मानसीने दिलेली गोड बातमी

काही दिवसांपुर्वी मानसीने सोशल मीडियाच्या माध्यमातुन सर्वांना ही गोड बातमी दिली होती. "मुलगी झाली हो! मानसी आणि सिद्धार्थ मोहिले. त्यांच्या आयुष्यात नव्या आनंदाचे स्वागत. मानसी आणि सिद्धार्थ आणि त्याच्या संपूर्ण कुटुंबियांना आम्ही शुभेच्छा देतो. या नवीन प्रवासासाठी सदिच्छा. आयुष्याचा आनंदी प्रवास सुरु करा."

अशा शब्दात मानसीने ही गुड न्युज सर्वांना सांगितली होती. मानसी काही दिवसांपुर्वी श्रीमंताघरची सुन मालिकेत झळकली होती.