The Trial Kajol Kiss: गेल्या काही दिवसांपासून बॉलिवूड चित्रपट हे बॉक्स ऑफिसवर चालत नाही आहे. काही ठराविक चित्रपट सोडले तर बरेच चित्रपट बॉक्स ऑफिसवर आपटले आहेत.

तर दुसरीकडे ओटीटीवरील वेब सिरिजला प्रेक्षकांचा चांगला प्रतिसाद मिळत आहे. त्यामुळे आता बऱ्याच मोठ मोठ्या कलाकरांनी ओटीटीवर पदार्पण केलं आहे.

त्यातच सध्या काजोल देखील ओटीटीकडे वळाली आहे. काजोल नुकतिच लस्ट स्टोरीजमध्ये दिसली होती. तिच्या या सिरिजमधल्या स्टोरीलाही प्रेक्षकांचा चांगला प्रतिसाद मिळाला.

त्यानंतर आता काजोलने ओटीटीवर 'द ट्रायल' या वेब सीरिजमधून डेब्यू केला आहे. काजोलचा द ट्रायल हा एक कोर्ट रुम ड्रामा आहे.

मात्र काजोलची ही सिरिज चर्चेत आली ती तिच्या किसिंग सीनमुळे. होय, काजोलने या शोमध्ये त्याने पहिल्यांदाच ऑनस्क्रिन किस केले आहे.

यापूर्वी तिने अनेक सिनेमांना ऑनस्क्रीन किस करणं टाळालं आहे. या सिरिजमध्ये काजोलने अभिनेता अली खानला किस केले आहे.

'द ट्रायल' शोसाठी 48 वर्षीय काजोलने तिची नो किसिंग पॉलिसी मोडल्याने सोशल मिडियावर सर्वत्र फक्त याचीच चर्चा रंगली आहे.

काजोलने शोच्या दोन वेगवेगळ्या एपिसोडमध्ये तिचे अभिनेते अली खान आणि जिशू सेनगुप्ता यांना किस केलं आहे. सध्या काजोलच्या लिप-लॉक आणि इंटिमेट सीन्स सोशल मीडियावर चर्चा आहे.

त्यातच एका चॅनलला दिलेल्या मुलाखतीत काजोलने सांगितलं की लोक काय विचार करतात याबद्दल याचा तिला काही फरक पडत नाही.

या मुलाखतीत तिने सांगितलं की , कशाप्रकारे तिच्या आईने दिलेल्या संस्कारामुळे ती एक मजबूत व्यक्ती बनली आहे.

ती म्हणते की, "मी माझ्या आयुष्यात 'लोग क्या कहेंगे'कडे कधीच लक्ष दिले नाही. माझा सांभाळ एका कणखर आईने केले. माझ्या आईला समाजाची मुळीच पर्वा नव्हती. माझ्या आईचं कुटुंब खूप मजबूत होतं. माझ्या पणजीपासून सगळेच माझी आजी, माझी आई यांनी चांगलं कसं वागायचे हे मला उदाहरणाद्वारे शिकवलं आहे. तुमचं जीवन ही तुमची जबाबदारी आहे आणि त्यावर इतर कोणाचं मत महत्त्वाचे नाही "