Project K Movie Update News: गेल्या काही दिवसांपासून आदिपुरुषमुळे प्रभासला मोठ्या टीकेला सामोरं जावं लागलं. प्रभासच्या आदिपुरुषने बॉक्स ऑफिसवर खोऱ्याने पैसे कमावले असले तरीही सिनेमावर फ्लॉपचा शिक्का बसलाय.

प्रेक्षकांना सिनेमा इतका आवडला नाही. आता प्रभासची मदार आहे त्याच्या पुढच्या सिनेमावर. हा सिनेमा म्हणजे Project K . Project K सिनेमाबद्दल मोठी अपडेट समोर आलीय.

(kamal hasan joins project k movie starring prabhas amitabh bachchan deepika padukon)

Project K मल्टीस्टारर चित्रपटात आधी कमल हसनची एन्ट्री झाली आहे. तरण आदर्शने ट्विट करून त्यांच्याबद्दल माहिती दिली आहे. याशिवाय अमिताभ बच्चन यांनीही कमल हसनचे स्वागत केले. बिग बी यांनी ट्विट करून लिहिलंय कि..

Welcome कमल, तुमच्यासोबत काम करण्याचा अनुभव चांगला आहे, खूप दिवस झाले.' कमल हसनच्या एन्ट्रीने चाहत्यांचा उत्साह वाढला आहे. प्रभास, अमिताभ बच्चन आणि कमल हसन यांच्याशिवाय दीपिका पदुकोण आणि दिशा पटानी देखील Project K चा भाग असणार आहेत.

नाग अश्विन दिग्दर्शित Project K हा मल्टीस्टारर सिनेमा असणार आहे. हा एक बिग बजेट चित्रपट असणार असल्याची माहिती या चित्रपटाच्या स्टारकास्टवरून मिळत आहे. रिपोर्ट्सनुसार, Project K मध्ये सर्वोत्तम ग्राफिक्सचा वापर केला जात आहे.

नाग अश्विन हे भव्यदिव्य करण्यासाठी कोणतीही कसर सोडत नाहीये. प्रभास स्टारर या चित्रपटाचे निर्मात्यांनी जवळपास 70 टक्के शूटिंग पूर्ण केले आहे.

कमल हसनची भूमिका काय?

मीडिया रिपोर्टनुसार, कमल हसन या चित्रपटात खलनायकाची भूमिका साकारणार आहेत. त्यांची व्यक्तिरेखा चित्रपटाच्या कथेला नवं वळण देईल.

अलीकडेच, निर्मात्यांनी चित्रपटाचा BTS व्हिडिओ शेअर केला आहे, हा व्हिडिओ पाहून चाहते खूप उत्साहित झाले आहेत. सायंटिफिक थ्रिलर असलेला हा सिनेमा १२ जानेवारी २०२४ ला रिलीज होणार आहे.