मुंबई- महाराष्ट्र सरकारसोबतच्या वाद विवादांमध्ये अभिनेत्री कंगना रनौत सध्या तिच्या आगामी 'थलायवी' सिनेमाच्या शूटींगमध्ये बिझी आहे. तमिळनाडूच्या दिवंगत माजी मुख्यमंत्री जयललिता यांच्या आयुष्यावर बनत असलेल्या या सिनेमाची सगळीकडेच चर्चा आहे. हा सिनेमा कंगनाच्या महत्वाकांश्री प्रोजेक्टपैकी एक समजला जातो. या सिनेमात जयललिता यांच्या लहानपणापासून ते तमिळनाडूच्या मुख्यमंत्री बनण्यापर्यंतचा जीवनप्रवास दाखवला जाईल.

हे ही वाचा:  रातोरात स्टार झालेल्या रानू मंडलची हालत खराब, कोरोनामुळे मिळत नाहीये काम

अभिनेत्री कंगनाने ट्विटरवर थलायवीच्या सेटवरील काही फोटो पोस्ट केले आहेत ज्यामध्ये तिचा जबरदस्त लूक दिसून येतोय. आता कंगनाचा हा फोटो सोशल मिडियावर व्हायरल होतोय. कंगनाने हे फोटो पोस्ट करताना लिहिलंय, 'जया मां यांच्या आशिर्वादाने थलायवीचं आणखी एक शेड्युल पुर्ण झालं आहे. कोरोनाच्या या काळात भरपूर काही बदललेलं आहे. मात्र ऍक्शन आणि कटमध्ये काहीही बदलेलं नाही. संपूर्ण टीमचे आभार.'

या फोटोंची खास गोष्ट म्हणजे कंगना सेम टू सेम जयललिता सारखी दिसतेय. तिचा मेकअप अशा अंदाजात केला आहे ज्यामध्ये तीचा लूक जयललिता यांच्यासारखा प्रभावी दिसून येतोय. कोरोनामुळे शूटींगसाठी अनेक अडचणी येत आहेत. त्यामुळे निर्मात्यांनी परिस्थिती सामान्य होई पर्यंत वाट पाहण्याचा निर्णय घेतला आहे कारण यातील एका क्लायमॅक्स सीनसाठी जवळपास ३५० लोकांची गरज आहे.    

kangana ranaut finished chennai schedule of her next film thalaivi shared some pics