बॉलिवूड अभिनेत्री कंगना राणौतचे नाव कोणत्या ना कोणत्या कारणाने चर्चेत असते. कधी ती तिच्या चित्रपटांमुळे चर्चेत असते तर कधी ती बी-टाउन सेलेब्सवर टीका केल्यामुळे चर्चेत असते. कंगनाला बॉलिवूडची क्वीन म्हटले जाते.

ती सोशल मीडियावर अनेक विषयांवर आपले मत मांडत असते. त्यातच आता कंगना लवकरच लग्नबंधनात अडकणार असल्याच्या बातम्या सोशल मीडियावर वाऱ्यासारख्या पसरल्या आहेत.

कंगना राणौत आपल्या वैयक्तिक आयुष्यावर जास्त काही भाष्य करत नाही. मात्र आता कमाल रशीद खान उर्फ ​​केआरकेने त्याच्या एका ट्विटमध्ये कंगना लवकरच लग्न करणार असल्याचा दावा केला आहे. या ट्विटवर विश्वास ठेवला तर कंगना सध्या एका बिझनेसमनला डेट करत असल्याच्या चर्चा आहेत.

KRK ने त्याच्या ट्विटमध्ये लिहिलयं की, "ब्रेकिंग न्यूज... अभिनेत्री कंगना रणौत डिसेंबर 2023 मध्ये एका बिझनेसमनसोबत साखरपुडा करणार आहे. ती एप्रिल 2024 मध्ये लग्न करणार आहेत! तिचे अभिनंदन."

काही वेळातच त्यांची पोस्ट व्हायरल झाली. कंगना रणौत खरंच पुढच्या वर्षी लग्न करणार आहे का असा प्रश्न कंगनाच्या चाहत्यांना पडला आहे.

काही दिवसांपुर्वी एका मुलाखतीत कंगनाने तिच्या लग्नाबद्दल खुलासा केला होता. तिला तिच्या जोडीदाराची जास्त कमी वाटत नाही. असं ती म्हणाली होती.

मात्र, कंगना तिच्या लाइफ पार्टनरबद्दल खूप उत्सुक आहे आणि तिला तिच्या जोडीदाराबद्दल खूप अपेक्षा आहेत. त्याचबरोबर ती लग्नासाठी तयार आहे आणि तिच्या कुटुंबाचीही अशीच इच्छा आहे असं तिने सांगितलं होतं. त्यातच आता केआरकेच्या या ट्विटने नवीन चर्चांना सुरुवात झाली आहे.

काही दिवसांपूर्वी कंगनाची निर्मिती असलेला आणि नवाझुद्दीन नवनीत कौरची भूमिका असलेला टीकू वेड्स शेरु नावाचा चित्रपट प्रदर्शित झाला होता.

आता ती लवकरच ‘चंद्रमुखी २’ सिनेमात दिसणार आहे. यानंतर कंगना ही 'तेजस' चित्रपटामध्ये देखील दिसणार आहे. हा चित्रपट २० ऑक्टोबर रोजी प्रदर्शित होणार आहे. त्याचबरोबर ती ‘इमरजेन्सी’या चित्रपटातही दिसेल.