Kangana Ranaut meet Dhirendra Krishna Shastri News: अयोध्येतील राम मंदिराचे उद्घाटन आणि रामललाचा अभिषेक आज होणार आहे. या मोठ्या सोहळ्यात देशातील अनेक दिग्गज व्यक्ती येथे पोहोचणार आहेत.

कंगना रणौत एक दिवस आधीच अयोध्येला पोहोचली आहे. कंगना गेल्या काही दिवसांपासून अयोध्या राम मंदिराबद्दल विविध पोस्ट करत असते. अशातच अयोध्येत गेल्यावर कंगनाने धीरेंद्र कृष्ण शास्त्रींची भेट घेतलीय. कंगनाने या भेटीबद्दल सोशल मीडियावर पोस्ट केलीय.

अयोध्येत होणाऱ्या प्राणप्रतिष्ठा सोहळ्याव्यतिरिक्त कंगना इतर धार्मिक विधींमध्ये भाग घेत आहे. तिने जगद्गुरू रामभद्राचार्य यांची भेट घेतली. याशिवाय तिने प्रसिद्ध हनुमानगढ़ी मंदिराला भेट देऊन मंदिर परिसर झाडून घेतला.

कंगना रणौतने नंतर बागेश्वर धाम सरकार म्हणजेच धीरेंद्र कृष्ण शास्त्री यांचीही भेट घेतली. त्यांना प्राणप्रतिष्ठा सोहळ्याला उपस्थित राहण्याचे निमंत्रणही मिळाले आहे.

कंगनाने त्यांच्यासोबतचा एक फोटो शेअर केला असून धीरेंद्र कृष्ण शास्त्री तिचा लहान भाऊ असल्याचे सांगितले आहे. कंगना म्हणाली पहिल्यांदाच तिला तिच्या वयापेक्षा लहान गुरू मिळाला आहे.

कंगना रणौतने तिच्या इन्स्टा स्टोरीवर धीरेंद्र कृष्ण शास्त्रीसोबतचा एक फोटो शेअर केला आहे. या फोटोत तिच्यासोबत इतर अनेक साधू आहेत.

कंगनाने तिच्या कॅप्शनमध्ये लिहिले की, "मी पहिल्यांदा माझ्या वयापेक्षा लहान गुरुंना भेटले, ते माझ्यापेक्षा 10 वर्षांनी लहान आहेत, मला लहान भावाप्रमाणे त्यांना मिठी मारायची इच्छा होती. पण नंतर मला आठवले की कोणी वयाने गुरू बनत नाही, कर्माने गुरु बनतो. गुरुजींच्या चरणांना स्पर्श करून आशीर्वाद घेतले. जय बजरंगबली."

कंगना धीरेंद्र कृष्ण शास्त्री यांच्या भेटीची चांगलीच चर्चा झाली आहे.