Kangana Ranaut on Gadar 2 News: सनी देओलचा गदर 2 काल शुक्रवारी ११ ऑगस्टला सगळीकडे रिलीज झालाय. सनी देओलच्या गदर 2 चं बॉक्स ऑफीस कलेक्शन समोर आलंय.

गदर 2 ने पहिल्याच दिवशी बॉक्स ऑफीसवर ४० कोटींचा गल्ला जमवलाय. आजवर झालेली ही सर्वात मोठी ओपनिंग म्हणता येईल. याच गदर 2 च्या बॉक्स ऑफीस कलेक्शनवर कंगना रणौतने तिचं स्पष्ट मत दिलंय.

(Kangana Ranaut on Sunny Deol's Gadar 2 day 1 box office collections omg 2)

कंगनाने शुक्रवारी प्रदर्शित झालेल्या गदर 2 ची प्रशंसा केली. कंगना म्हणते, "अक्षय कुमार स्टारर OMG 2 हा सिनेमा त्याच दिवशी प्रदर्शित झाला नसता तर पहिल्या दिवशी गदरने ₹65-70 कोटी सहज कमावले असते."

कंगनाने सनीला म्हटले 'मॅनली हीरो'

कंगना म्हणाली की, "गदर 2 खोटं प्रमोशनशिवाय चांगले काम करत आहे. तिने सनी देओलला 'प्रॉपर मॅनली हिरो' असेही संबोधले. कोणतेही माफियाचे राजकारण नाही, खरेदी केलेल्या समीक्षा नाहीत, बनावट प्रमोशन नाही, मोठ्या प्रमाणात कॉर्पोरेट बुकिंगद्वारे तिकीट खरेदी नाही, कार्टून दिसणारे कलाकार नाहीत, योग्य नायक आणि योग्य कथा..."

कंगना कौतुक करताना पुढे म्हणाली.. कंगनाने लिहिले, "सुट्टी असली तरीही गदर 2 एकट्याने रिलीज झाला असला तरी, पहिल्या दिवशी त्याने सहज ₹65-70 कोटी असू शकतात.. प्रेक्षक सुद्धा आर्थिक आणि इतर समस्या विसरुन गदर 2 चा आनंद घेत आहेत. लोकांच्या जीवनात उत्साह आणि देशाबद्दल प्रेम परत आणणारा सिनेमा नक्की पहा... तारा सिंग, सनी देओल यांचम नातं चिरंजीव आहे."

जोडून आलेल्या सुट्ट्या आणि गदर 2 ची कमाई

२००१ मध्ये गदरचा पहिला भाग प्रदर्शित झाला होता. त्यानंतर आता २२ वर्षांनी त्याचा सिक्वेल आला आहे. त्याला प्रेक्षकांचा तुफान प्रतिसाद मिळताना दिसतो आहे. पुढील आठवडा तर गदर 2 ला प्रचंड प्रतिसाद मिळणार असल्याचे बोलले जात आहे.

१५ ऑगस्ट चे निमित्त आणि भारत पाकिस्तानचा संदर्भ यामुळे गदर 2 जोरदार कमाई करेल असे बोलले जात आहे. OMG 2 विषयी बोलायचे झाल्यास त्याचा पहिला भाग हा २०१२ मध्ये प्रदर्शित झाला होता.