मुंबई - दाक्षिणात्य चित्रपटांतील अभिनेत्री जयश्री रमैय्यानं आत्महत्या केल्याची माहिती पुढे आली आहे. तिच्या आत्महत्येमुळे कन्नड चित्रपटसृष्टीत खळबळ उडाली आहे. तिचा मृत्यु आत्महत्येनं झाला की त्यामागे कुठला घातपात आहे असा संशय व्य़क्त केला जात आहे. तिच्या चाहत्यांनी आणि अनेक मान्यवर सेलिब्रेटींनी सोशल मीडियावरुन तिला श्रध्दांजली वाहिली आहे. मागच्यावर्षी 2020 मध्ये नैराश्याचा सामना करत असल्याचे तिने सांगितले.
22 जूनला जयश्रीने तिच्या फेसबुकवर आपल्या मनात आत्महत्येचे विचार येत असल्याचे लिहिले होते. ‘गुडबाय’ असे तिने एफबी पोस्टमध्ये म्हटले होते. पण नंतर तिने ती पोस्ट डिलीट केली व ‘मी व्यवस्थित आणि सुरक्षित आहे. लव्ह यू ऑल’ असे लिहिले होते. अभिनेत्री जयश्री रमैयाची दुसरी ओळख म्हणजे ती बिग बॉसमधील माजी स्पर्धक होती. सोमवारी दुपारी ती मृतावस्थेत सापडली. बंगळुरुतील वृद्धाश्रमात तिचा मृतदेह आढळला. तिनं आत्महत्या केल्याचा दाट संशय पोलिसांना आहे. त्यांनी तपासाला सुरुवात केली आहे.
गेल्या अनेक महिन्य़ांपासून जयश्री नैराश्याचा सामना करत होती. तिने तिच्या सोशल मीडियावरुनही तिनं स्वतला संपवणार अशा आशयाच्या काही पोस्ट लिहिल्या होत्या. बिग बॉस कन्नडच्या तिसऱ्या सीझनमधून तिला प्रसिद्धी आणि ओळख मिळाली. तिच्या अचानक झालेल्या मृत्यूने कन्नड चित्रपट सृष्टीला धक्का बसला आहे. तिचे अनेक चाहते आणि सेलिब्रिटींनी सोशल मीडियावरुन जयश्रीला श्रद्धांजली वाहिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.