Kantara A Legend: ऋषभ शेट्टीच्या 'कंतारा'ने 2022 बॉक्स ऑफिसवर खळबळ उडवली होती. त्या वर्षीचा सर्वात यशस्वी चित्रपटांपैकी एक कांतारा होता. या चित्रपटाने बॉक्स ऑफिसवर विक्रमी कमाई केली होती. आता प्रेक्षक या चित्रपटाच्या दुसऱ्या भागाची आतुरतेने प्रतिक्षा करत आहेत.
काही दिवसांपुर्वीच निर्मात्यांनी 'कंतारा चॅप्टर 1' ची घोषणा केली. तर चित्रपटातील ऋषभ शेट्टीचा लूकही समोर आला आहे. टीझर रिलीज झाल्यानंतर आता या चित्रपटाबाबत चाहते आणखी उत्सुक झाले आहेत. आता त्यातच 'कंतारा चॅप्टर 1' ची कथा काय असणार याचाही उलगडा झाला आहे.
'कंतारा ए लेजेंड: चॅप्टर 1'ची कथा पांजुर्ली देव आणि गुलिगा देव यांच्याभोवती फिरणार आहे. या देवतांच्या उत्पत्तीबद्दल चित्रपटात दाखवण्यात येणार आहे. कांताराने प्रेक्षकांना पांजुर्ली देवाची माहिती दिली होती. प्रीक्वल प्रेक्षकांना पांजुर्ली देव आणि गुलिगा देवतांची ओळख करून देणारा एक अनोखा सिनेमॅटिक अनुभव प्रेक्षकांना मिळणार आहे. यामुळे मागील भागापेक्षा या भागाची कथा अधिक रंजक होणार आहे.
गुलिगा बाबत बोलायचे झाले तर हा एक रागीट देव आहे, जो शिक्षा देण्यासाठी ओळखला जातो. तर पांजुर्ली देव संरक्षण करतो. तो समृद्धीचा दाता आहेत. पहिल्या भागापेक्षा या सिनेमाचे बजेट जास्त आहे. या चित्रपटाचा बहुतांश भाग श्रीलंकेच्या घनदाट जंगलात शूट केला जाणार आहे.
दुसऱ्या भागातील ऋषभ शेट्टीचा लूक ही तितकाच भयावह आहे. तो जंगलात राहणाऱ्या आदिवासींसारखा दिसतोय ज्याच्या एका हातात भाला आणि त्रिशूळ आहे. आता चाहते हा सिनेमा पाहण्यासाठी खुपच उत्सुक आहेत.
ऋषभ लिखित आणि दिग्दर्शित 'कंतारा'ला बॉक्स ऑफिसवर प्रचंड प्रेम मिळाले आणि चित्रपटाने 450 कोटींचा व्यवसाय केला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.