मुंबई- कॉमेडी किंग कपिल शर्माच्या चाहत्यांसाठी आता एक आनंदाची बातमी आहे. त्याच्या चाहत्यांची प्रतिक्षा आता संपणार आहे कारण कपिल त्यांच्यासाठी घेऊन आलाय एक सरप्राईज. कपिल शर्मा शोचं शूटींग सुरु झाल्याची माहिती याआधी आम्ही तुम्हाला दिलीच आहे मात्र आता लवकरंच या शोचे नवीन एपिसोड तुम्हाला पाहता येणार आहेत. 

हे ही वाचा: सुशांत प्रकरणात कंगनाला नोंदवायचा आहे जबाब पण पोलिसांकडून मिळत नाहीये कोणताच प्रतिसाद..

कॉमेडियन कपिल शर्माने स्वतः त्याच्या चाहत्यांना ही खुशखबर दिली आहे. कपिलने या बातमीसोबत कपिल शर्मा शोचा नवीन प्रोमो देखील शेअर केला आहे. हा मजेशीर प्रोमो पाहून तुम्हीही देखील लोटपोट व्हाल.हा प्रोमो शेअर करताना कॅप्शनमध्ये लिहिलं आहे, 'तो आनंद आणि ते जोक्स पुन्हा येत आहेत. कारण आम्ही करत आहोत रिस्टार्च सेफली. लवकरंच कपिल शर्मा शोचे नवीन एपिसोड घेऊन आम्ही तुमच्यासमोर येत आहोत.' 

या प्रोमोमध्ये कपिल स्टेजवर झाडू मारताना दिसतोय तर त्याचे इतर सहकलाकार खूप मस्ती करताना दिसतायेत. या व्हिडिओमध्ये आपण पाहू शकतो की चाहत्यांसोबतच या शोचे कलाकारही हा शो सुरु होण्याची आतुरतेने वाट पाहत आहेत. या छोट्याशा प्रोमोमध्ये सगळ्यांची मस्ती पाहण्यासारखी आहे. कृष्णा तर भारती सिंहची टर उडवताना दिसतोय. 

इथे पाहा व्हिडिओ-

'कपिल शर्मा शो'ची शूटींग काही दिवसांपूर्वीच सुरु झाली होती. कपिल शर्मा, सुमोन चक्रवर्ती, भारती सिंह सेटवर पोहोचल्याचे फोटो कपिलने शेअर केले होते. कपिलने सेटवरची सगळ्यांची एंट्री त्याच्या इंस्टाग्राम स्टोरीमध्ये शेअर केली होती. शोचा प्रोमो तर आला मात्र आता सगळ्यांना उत्सुकता आहे ती लॉकडाऊननंतरच्या या पहिल्या एपिसोडमध्ये कोणता कलाकार पाहुणा म्हणून येईल याची. लॉकडाऊनमध्ये सगळ्यांसाठी देव माणूस ठरलेला अभिनेता सोनू सूद या शोचा पहिला पाहुणा असल्याच्या खूप चर्चा आहेत.   

kapil sharma show new promo all comedians cleaning floors and doing masti