The Kapil Sharma Show Promo ‘द कपिल शर्मा’ शोचा नवा सीझन येत आहे. शोचा नवा प्रोमो (Promo) रिलीज झाला आहे. यावेळी शोमध्ये कोण आहे हे प्रोमोद्वारे निश्चित झाले आहे. सोबतच जुना कॉमेडियनही नव्या अवतारात दिसला आहे. व्हिडिओमध्ये कपिलला (Kapil Sharma) हॉस्पिटलमध्ये ॲडमिट केल्याचे दिसते. शुद्धीवर येताच सर्वजण त्याच्या बाजूला उभे राहतात. तो सासऱ्याला ओळखतो. हे पात्र इश्तियाक खान साकारत आहे.

गुडियाच्या भूमिकेत किकू शारदा आणि चंदूच्या भूमिकेत चंदन प्रभाकर दिसत आहे. मात्र, सुमोनाला पाहून कपिल म्हणतो, ही बहीण कोण आहे. यानंतर सर्वजण म्हणतात ही तुमची पत्नी आहे. मात्र, कपिल हे मान्य करीत नाही. त्यानंतरच एक एंट्री होते. ही एंट्री अभिनेत्री सृष्टी रोडे करते. शो मध्ये तिचे नाव गझल आहे.

गझलला पाहून कपिल (Kapil Sharma) तिच्या स्कूटीचा नंबर बोलू लागतो. तेवढ्यात अर्चना (Archana Puran Singh) तिथे येते आणि म्हणते की, बायको आठवत नाही आणि तिच्या स्कूटीचा नंबर लक्षात आहे.

प्रोमो (Promo) पाहिल्यानंतर चाहत्यांना कृष्णा अभिषेकची खूप आठवण आली. प्रत्येकजण म्हणत आहे की कृष्ण असायला हवा होता. त्याला परत बोलवा. त्याचवेळी काही चाहत्यांनी कपिल शर्माला सुनील ग्रोव्हरला परत आणण्यास सांगितले.

नुकतेच कृष्णाने पुष्टी केली की तो आता या शोचा भाग नाही. आतापर्यंत या शोमध्ये सपना, जॅकी दादा, धर्मेंद्र आणि जितेंद्र यांनी भूमिका साकारल्या आहेत. कृष्णाने कपिल शर्मा शोमध्ये काम न करण्याचे कारण एका मुलाखतीत सांगितले. करारात अडचण असल्याने काम करीत नसल्याचे तो म्हणाला.