स्टॅंडअप कॉमोडियन कपिल शर्मा(Kapil Sharma) आणि त्याची पूर्ण टीम यूएस आणि कॅनडाच्या टूरवर आहे. साता समु्द्रा पल्याड कपिल त्याच्या चाहत्यांचं मनसोक्त मनोरंजन करत आहे. अर्थात एवढं सगळं चांगलं कानावर पडत असलं तरी नेहमीप्रमाणे कपिलशी वाद देखील इथे जोडला गेलाय. कपिलचा कॉन्सर्ट पुन्हा एकदा चर्चेत आला आहे.(Kapil Sharma's show in New York postponed due to some conflict).

कपिलचा ९ जुलै रोजी न्यूयॉर्कला होणारा शो पोस्टपोन झाला आहे. शो च्या तिथल्या लोकल प्रमोशन संदर्भातल्या गोष्टी पाहणाऱ्या सॅम सिंगने सोशल मीडियावर पोस्टच्या माध्यमातून शो Postpone झाल्याची माहिती दिली आहे. आपल्या या पोस्टमध्ये सॅमने पोस्टपोन झालेल्या शो ची नवी तारीख मात्र सांगितलेली नाही. पोस्टमध्ये लिहिले आहे-''द कपिल शर्मा शो, जो ९ जुलै रोजी Nassau Colisemमध्ये आणि २३ जुलै रोजी Cue Insurance Arena मध्ये रंगणार होता. पण कार्यक्रमाच्या शेड्युलिंगवरनं वाद सुरु झाला आणि कार्यक्रम पोस्टपोन झाला. कपिलच्या या शो साठी ज्यांनी तिकीटं अॅडव्हान्समध्ये खरेदी केली आहेत,ती पुढच्या तारखेपर्यंत वॅलिड असणार आहेत. जर कुणाला रीफंड हवा असेल तर कृपया जिथून तिकीटं खरेदी केली होती तिथे जाऊन संपर्क साधावा''.

शोला रिशेड्युल करण्याचं कारण विचारलं गेलं तेव्हा सॅम सिंगने एका इंग्रजी न्यूज पोर्टलला प्रतिक्रिया देताना म्हटलं आहे,''हा आमचा खाजगी विषय आहे की आम्ही नव्या तारखेवर आता शो करीत आहोत. याचा कोणत्याही वादाशी, फेक केसशी संबंध नाही. बोललं जात आहे की, Sai USA Inc ने कपिल शर्माच्या विरोधात २०१५ च्या नॉर्थ अमेरिका टूरच्या कॉन्ट्रॅक्टचं उल्लंघन केल्याच्या आरोपात केस दाखल केली होती''.

अमेरिकेचे प्रसिद्ध आयोजक अमित जेटली यांचा आरोप आहे की, कपिलने २०१५ मध्ये नॉर्थ अमेरिका मध्ये ६ शो करण्याचं मान्य केलं होतं,यासाठी कपिलला पेमेंट देखील केलं होतं. पण कपिलनं ६ पैकी एका शहरात परफॉर्म नव्हतं केलं. कपिलनं नुकसान भरपाई करेन असं आश्वासनही दिलं होतं. पण त्याने तसं केलं नाही. ही केस न्यूयॉर्क कोर्टात सुरू आहे. या केससंदर्भात अद्याप कपिल शर्मानं कोणतीही प्रतिक्रिया दिलेली नाही. हे सगळं सुरू असलं तरी कपिल शर्मा सध्या सोशल मीडियावर आपल्या टूरचे फोटो आणि व्हिडीओ शेअर करताना दिसत आहे.