Bollywood filmmaker Karan Johar confesses : बॉलीवूडचा प्रसिद्ध निर्माता, दिग्दर्शक करण जोहरनं आता जी गोष्ट सांगितली आहे त्यामुळे तो चर्चेत आला आहे. ती गोष्ट करणनं कबूल केल्यानं चाहत्यांना धक्का बसला आहे. करणच्या चित्रपटांना मिळणारा प्रेक्षकवर्ग मोठा आहे. त्याची होणारी चर्चाही नेहमीच नेटकऱ्यांचे लक्ष वेधून घेताना दिसते.

करण जोहरच्या चित्रपटांना मिळणारा प्रतिसाद आणि त्या चित्रपटांची होणारी कमाईही मोठी असते. बॉक्स ऑफिसवर त्याच्या गेल्या वर्षी प्रदर्शित झालेल्या रॉकी और रानी की प्रेम कहानीनं तीनशे कोटींहून अधिक बिझनेस केला होता. रणवीर सिंग, आलिया भट्ट यांची मुख्य भूमिका असलेल्या या चित्रपटात शबाना आझमी, धर्मेंद्र, जया बच्चन यांच्या भूमिका होत्या.

करण हा त्याच्या कॉफी विथ करणमुळे देखील चर्चेत आल्याचे दिसून येते. त्याच्या या शो मध्ये बॉलीवूडमधील वेगवेगळे सेलिब्रेटी सहभागी झाले आहेत. काही दिवसांपूर्वी प्रसिद्ध अभिनेत्री शर्मिला टागोर यांनी कॉफी विथ करणमध्ये सहभाग घेतला होता. यावेळी शर्मिला यांनी सैफच्या गतकाळातील आठवणी सांगून सोशल मीडियावर खळबळ उडवून दिली होती. त्यात आता करणनं त्याच्या चित्रपटांविषयी केलेलं भाष्य चर्चेत आलं आहे.

करणनं एका मुलाखतीमध्ये त्याच्या चित्रपटांना मिळणारं रेटिंग याविषयी धक्कादायक खुलासा केला आहे. तो म्हणतो, मी माझ्या चित्रपटांना अनेकांनी चांगलं म्हणावं म्हणून मी खूप सारे पैसे खर्च करतो. असे करणचे म्हणणे आहे. करण त्याच्या चित्रपटांच्या रिव्ह्यूसाठी पैसे देतो. असा आरोप त्याच्यावर करण्यात आला होता. यावर त्यानं ती गोष्ट मान्य केली आहे. होय मी असे करतो मात्र एखादा चित्रपट हिट व्हावा यासाठी या गोष्टी कराव्या लागतात.

तुम्हाला माहिती नसेल पण मला बऱ्याचदा माझे चित्रपट चर्चेत यावेत यासाठी पैसे खर्च करावे लागतात. गलाटा प्लससोबत बातचीत करताना करणनं म्हटलं आहे की, माझ्या चित्रपटांविषयी वातावरण निर्मिती व्हावी म्हणून मला पैसे खर्च करावे लागतात. बऱ्याचदा आम्हीच आमच्या चित्रपटाचा पीआर करण्यासाठी आमच्या लोकांना सांगतो तेच व्हिडिओ करुन तुमचे लक्ष वेधून घेताना दिसतात.