Karan Johar Interview PM Narendra And Shri Devi : बॉलीवूडमधील प्रसिद्ध निर्माता आणि दिग्दर्शक करण जोहर हा नेहमीच त्याच्या वेगवेगळ्या कारणांसाठी आणि वक्तव्यांसाठी चर्चेत असणारा सेलिब्रेटी आहे. गेल्या वर्षी त्याच्या रॉकी और रानी की प्रेम कहानी या चित्रपटाला प्रेक्षकांचा तुफान प्रतिसाद मिळाला होता. त्या चित्रपटानं दोनशे कोटींपेक्षा जास्त कमाई केली होती.

करणचा कॉफी विथ करण नावाचा शो टीव्ही मनोरंजन विश्वात लोकप्रिय आहे. त्याचा आता ८ वा सीझन सुरु आहे.त्यावरुन त्याची लोकप्रियता लक्षात येते. त्यामध्ये त्यानं बॉलीवूडमधील अनेक मान्यवरांशी संवाद साधला आहे. त्यावरुन तो बऱ्याचदा वादातही अडकला आहे. अशाच एका मुलाखतीमध्ये करणला एक प्रश्न विचारण्यात आला होता. त्याचं त्यानं दिलेलं उत्तर चर्चेत आलं आहे.

दिवंगत अभिनेत्री श्रीदेवी यांच्यावरील बायोपिकची गेल्या कित्येक दिवसांपासून चर्चा होती. द वीक नं करणची घेतलेली ती मुलाखत आणि त्यात त्याला जर तुला मोदीजींवर बायोपिक करायचा झाल्यास तू कोणत्या अभिनेत्याला त्यात घेशील, असा प्रश्न करणला विचारण्यात आला होता. त्यावर त्यानं दिलेलं उत्तर नेटकऱ्यांच्या प्रतिक्रियेचा विषय आहे.

करणनं दोन्ही प्रश्नांची उत्तरं विचारपूर्वक दिली. श्रीदेवीच्या बायोपिकमध्ये तू कोणत्या अभिनेत्रीला पाहतोस, त्यावर तो म्हणाला, मला श्रीदेवीच्या बायोपिकमध्ये तिची मुलगी जान्हवी कपूरला पाहायला आवडेल. त्याचे कारण म्हणजे, तिचं दिसणं, तिची स्टाईल आणि आता चाहत्यांमध्ये जान्हवीची असणारी लोकप्रियता. त्यानंतर त्यानं मोदीजींच्या बायोपिकमध्ये कोणत्या अभिनेत्याला कास्ट करायला आवडेल, यावर उत्तर दिलं.

करण म्हणाला, मला अमिताभ बच्चन यांचे नाव नरेंद्र मोदी यांच्या बायोपिकसाठी योग्य वाटते. तर नीता अंबानी यांच्या बायोपिकमध्ये मी ऐश्वर्याला संधी देईल. या बरोबरच त्यानं बॉलीवूडमधील सिद्धार्थ मल्होत्रा, टायगर श्रॉफ सारख्या कलाकारांचे कौतुकही केल्याचे दिसून आले.