'डान्सिंग क्वीन' या रिअॅलिटी शोमधून घराघरात पोहोचलेली अभिनेत्री गंगा हिला मुंबईत एका भयानक घटनेला सामोरं जावं लागलं. गंगा ही ट्रान्सजेंडर असून प्रणित हाटे असं तिचं मूळ नाव आहे. आपल्या एका मित्राला गावी सोडायला गेली असताना मुंबईतील घाटकोपर परिसरात तिला एका व्यक्तीकडून भररस्त्यात मारहाण करण्यात आली. या प्रसंगानंतर गंगाने सोशल मीडियावर व्हिडीओ पोस्ट केला होता. हा व्हिडीओ व्हायरल होताच मुंबई पोलीस गंगाच्या मदतीला धावून आले आणि संबंधित आरोपीविरोधात गुन्हा दाखल करण्यात आला.
२५ फेब्रुवारी रोजी नेमकं काय घडलं आणि त्या व्यक्तीने गंगाला का मारहाण केली, याबाबत तिने सकाळ ऑनलाइनला दिलेल्या मुलाखतीत सविस्तरपणे सांगितलं. त्याचसोबत तिने मुंबई पोलिसांचेही आभार मानले.
गंगा सध्या झी मराठी वाहिनीवरील 'कारभारी लयभारी' या मालिकेत महत्त्वपूर्ण भूमिका साकारतेय. 'डान्सिंग क्वीन' या रिअॅलिटी शोमुळे ती घराघरात पोहोचली. तिचा प्रणितपासून गंगा बनण्यापर्यंतचा प्रवास काही सोपा नव्हता. याआधीही अशा अनेक घटनांना सामोरं गेल्याचं ती सांगते. त्याचसोबत अशा घटनांमुळे खचून न जाता आवाज उठवण्याचं आवाहन ती तिच्या चाहत्यांना करतेय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.